دعم لموضوع ابوعبدالله سرهيد بخصوص ترهيم الثلاجه ( ثلاجة ويكو 11لتر ) من ابوسعود

[محروم.كوم]

السلام عليكم ورحمة الله وبركاته

اخواني المكشاتيه حياكم الله جميعا

حبيت ان اشارك معكم في هذا التقرير والذي اعتبره موضوع داعم لموضوع اخونا ابوعبدالله ( سرهيد ) بخصوص ترهيم الثلاجه على الجمس سييرا .

وانا اتوقع ان بعضكم تمنى انه يوجد ثلاجه صغيره تتناسب مع بعض السيارات لان المساحه اللي بين المراتب تكون صغير وليست مثل الجمس كبيره , فانا اقول لهم اني وجدت ضالتكم .

الزبده

هو انه وجدت ثلاجه ( تثليج ) في احد المحلات خارج المملكه وهي من شركه ويكو وقمت بتصويرها شخصيا وعند سؤالي للبائع قال لي انها جديده بالسوق وسعرها تقريبا ( 1700) ريال صراحه غاليه جدا ولكن اللي يبي يرهما مثل ابوعبدالله عز الله انها رخيصه باللي هي فيه .

وقمت شخصيا هذا اليوم الثلاثاء 17/7/1431هـ بالاتصال على وكيل ويكو اللي هو الطمره وقال انها غير موجوده عندنا وقال لي ايضا انه .....اول مره يسمع بهذا المقاس من الثلاجات ...... ولايوجد سوى تبريد من هذا المقاس .

ولكن نحمد الله على ان موقع مكشات باعضائه دائما سباق في ماهو جديد وان يكون موقع مكشات له الاسبقيه في معرفة موديل هذه الثلاجه قبل الوكيل .

اليكم الصور علما اني نسيت اقوم بتصويرها من الداخل حيث انها تتكون من جزئين تبريد وتثليج مثل باقي المقاسات

الثلاجه يوجد بها كمبروسر مثل باقي المقاسات نوع التثليج

لاحظ وجود حامل اكواب مميز ومروحه تبريد شد بلد

لوحة تحكم بدرجة البروده

آمل ان يحوز التقرير على رضاكم واستحسانكم وآمل ان اكون قدمت شي مفيد يخدم اخواني المكشاتية
والسلام عليكم ورحمة الله وبركاته
اخوكم ( ابوسعود )

__DEFINE_LIKE_SHARE__