ما ندري نصدق ونكذب مين

[محروم.كوم]

السلام عليكم

قبل يومين ابفحص سيارتي فحص كامل سوبر سفاري 2005 والناس كل واحد
يتفلسف من جهه غير كذا وسو كذا ترى القطعه الفلانية خرابها كثير ووو... الخ
الهم اني وسوست قلت اكيد اقل شيء ابصرف 2000 ريال على الفحص والقطع
ودق علي واحد وقلي غير فلتر الجربكس والدبل قلت خير انشالله ومريت قطع الغيار
واطلب بواجي اصلي واقله تاكد انها تركب قال مالك هم متاكد ميه بالميه وطلبت
فلتر الجربكس قلي جيبلي رقم الشاسي لكي اتاكد من الكمبيوتر وجبنا الرقم وقعد يطقطق
بالكمبيوتر وراح يجيب القطعه بـ 95ريال يابلاش اصلي قال اصلي واخذها وعلى الورشة
وارفع السيارة والعامل يشيك ويقول سجل جلد مساعدات الصليب الخلفي وانا اضعيف
ادربي راسي اقمشه وقال بعدين وده الميزان خلهم يشيكون على الاذرعه احتياط قلت
غيرلي الفلتر وركبلي البواجي وانا ابروح اجيب القطع اللي طلبت , شاف الفلتر قال هذا
مايركب قبل يفك ويشووف حلفلي واحترت بين الاثنين قلت اجل ركب البواجي شافها قال
هذا حق التيما البواجي قلت اييه الظاهر بنردد ياليل مطولك ... رجعت للقطع ورديتها عليه
وعلى الوكالة السلام عليكم : ابغا فلتر جربكس وبواجي لهذا الجيب قال البواجي موجوده
لاكن فلتر جربكس اول مرة اسمع ان الجربكس له فلتر يتغير لاكن رووح لابو مهند مسؤوول
الورشة يفيدك اكثر ,,, وينك يبو مهند القصه كذا وكذا قاال لاحد يضحك عليك الجربكس ينزاد
زيت بس ما يتغير لا فلتر ولا يحزنون لا ينصبووون عليك تاكد عدل بدل قال هذا العلم .. وقال
روووح للورشة الفلانية وقله انا مرسول من ابو مهند رجال امين ويخاف الله قلت هذا اللي اندور
من الصبح رحت للرجال رفع السيارة فالسماء شيييك على كل شيء من الصدام الى الصدام وتحس

انه يشتغل بامانه قلت شيكلي على زيت الجربكس قال والله يحرم على احط المفك فيها ليييييييييييه
قال سيارتك نظيفه والجربكس اتشوووف فيه بقعه زيت شيء فيه تهريب مرااايه خل زيت بلدها فيها
والجلد والصليب والاقمشة كلها ميه ميه قلت الله يكثر من امثالك ........

وفعلا الان اتصدق مين والا مين

__DEFINE_LIKE_SHARE__