قصه في مقناص وقصيده وانشاءالله تعجبكم اخواني المكشاتيين

[محروم.كوم]

بسم الله الرحمن الرحيم
السلام عليكم ورحمة الله وبركاته
الله يصبحكم يمسيكم بالخير
حبيت اني اقص عليكم قصة صارت على واحد من الربع وانشاءالله انها تعجبكم لتقطيع وقت الربطه وتخفيف عناهذا الحر
؛؛؛؛؛؛؛؛
جهزو انفسهم وهومعه اثنين غيره وخذو ثلاثه طيور قرناس بيتي واثنين فروخ جايتهم من اوزباكستان هذه كل الطيور الي معهم ودبرو انفسهم وضبطوا اوضاعهم وخذوا اطيورهم الى دولتن ما ووضعوا الطيور في شناط دبلوماسيه وتخدير وتهريب والله يكون في عون الطيور المهم وصلوا والطيور في الطياره اظنه استعجل بابرة التخدير والطياره تاخرت مااقلعت وهذا اتعب الطيور وصحت قبل النزول الى مطار الدوله الثانيه المهم دبروا انفسهم وطلعوا وراحوا الى مكانهم الي جاهم رفيقهم فيه وراحو على طول الى ارض المقناص بس لحقتهم مشكله الطيور تعبت بس البيتي هو الي تعب جدا وتوهقوا مامعهم الى الفروخ ويوم يطلعون توها جاهزه ومدعيه دعوا بسيط والمهم يومين الفروخ طابت ودعوها دعوا زين واما البيتي مرض وابطاء وهو مريض والفروخ صنعتهن طيبه وقاموا يقصرون لها وكل يوم يشوفون حباري المهم تضايقوا والله التوهيقه وقال ماعاد الى ها الفروخ ولاهن ذايقه شي اما يهدن والايموتن واحد منهم استعجل طمره يوم وهده اليوم الثاني وطلبها يوم طارت شوي وعود واليوم مثل الشي طردها وعود واليوم الثالث نفس الشي اخونا الثاني واربع ايام وفرخه ماذاق شي ولا وراه شي اللهم دعو لين الطير قام يتهبد وجوهم بارد ويقول يوم جاء خامس يوم واقوم ادعي ربي بالدجاجه الي ماتطير المهم يقول ويوم خذيت وانا امشي الى هي يوم قحصت وراحت تدرج واخليها لين ابعدت وانا اخذ عن برقعه الي هو اسم الفرخ جذاب وطالعها وطالعها وهي درج يوم الله عانه وهويروح يمها يوم اقبل عليها وكوبرت وهو يمسح عليها من بعيد ويوم راح وابعد يقول وانا استعجل واقوم عليها وانا اطيرها ويوم طارت لينها ماهي صاحيه وتقوم ترقا على راسها وهو يقوم يتبعها وجناحه رخو يقول وانا يرتفع ضغطي واقوم اتبعه وهوقريب من فوقنا والحبارى راحت ابعدت يوم خذيت وابعد عنا قدامنا لايوم تمرقص ليني ماعاد احق جناحه رقيان واقوم ادعي يارب يارب يالله انك توفقه وانا والله ماعاد اشوف حبارى واقوم اتبعه شوي وهومرتفع ليني اشوفه يوم حول عليها ويمسحها من بعيد شوي وهي تروغ وهويحول عليها ثانيه وجناحه بيتقطع وهويلكشها لين ريشها يوم طار تقول دخان وهو يحول عليها ثالث مره وهو يعلقها انا فاتح فمي تقول في حلم واخذ شوي وانا مفهي وانا اجيه لينه قد ذبحها وانا اتبنه عليها لين شبع وانا هلحين الصباح بدري وانا استانس اناسه والله اني ما انساها ماحييت والمهم انهم راحو الى محل خابرين حباريه تعزم وواجد وخده اسهل من الخد الي عندهم ويوم جاء العصر لينهم في محلهم وقال خويه كود الله يجيب لفرخي وحده درج ويصيد مثل طيرك المهم يوم جاء العصير لين ذاك الخرب درج ويقول وياخذ خويي عن طيره والله ويهد على الخرب ويمسحه اول مره وثاني مره يلمسه وثالث مره يجيه بسرعه ويدبجه لينه هووياه والمهم ذبحه وعشاه عليه لين شبع المهم استهدن الفروخ وسون شي ماينتسوى وصادن عدد ريشهن بس الفرخ الاول الي صاد فيه سبق خيال يطرح حباره مايعطيها مجال ترتفع والثاني طيب بس يبطي وهو يطرد وقعدوا واستانسوا وصادوا بس الختاميه ماهي زينه الاناسه خربها الفرخ السبوق ويقول صاد ذاك اليوم ثنتين بدري ولاعزمن ويوم خذيت شوي وانا اطيح في ذيك الربداء الي ترقا على راسها وهو يرقاء معها ودخل ارض وعر شوي وانا مرتاح فيه ذبذبه الريشه وانا اتقدم بعد ماخفيته على حروته ويقول وانا اشغل الجهاز لينه اطرم اصقه مافيه الاالتشويش لاوالله يوم ادخلتني الضيقه وانا الوح لين تعبت وامساني الليل وانا من راس طويل الى طويل والله اني مانمت وعيا يجيني النوم والصبح نفس الشي والوح لين تعبت وثلاثه ايام وانا لااكل زي الناس ولانوم المهم انا رجعنا مالقيناه وهويقصد فيه بعد ماودعو ارض المقناص قصيده من قلب صقار يحب طيره من فعله الطيب

القصيده لصاحب الطير الي غداء هو اخوي وانا قنصت انا وياه داخل وخارج
المملكه وتخاويت انا وياه ونعم الخوه وهوالصقار الكبيروالشاعر حمود مانع الفهادي
واليكم القصيده
وطيري الي ضاع مني ضحات امس
النادرالي مرهين في لحوقه
من يوم هديته وانا ناظري طمس
واتلى العهد به يوم فكت اسبوقه
حولت بالملواح لغيبة الشمس
اصيح والوح بعالي اشهوقه
شغلت انا الحساس وارخيت انا الهمس
وعيا قليل الفود يقضب اطروقه
صفقت بالكفين خمسا على خمس
عرفت انا انه راح يطرد فروقه
ومن يوم قرب الليل والصدر به لمس
كن العباير وسط جوفي تسوقه
ياويش بماري هل الجيب والجمس
لقام برق الريش يكثر خفوقه
عل السحاب الي مزونه بهن دمس
يسقي ترابا ضاع جذاب فوقه

__DEFINE_LIKE_SHARE__