(( بوش يتمنى يصير انه اماراتي..]~ ))

[صدى الصــمت]

السلام عليكم ورحمه الله وبركاته

هذه قصيدة مهداه من الشاعر الكبيروالمتألق سعد علوش للشيخ محمد بن زايد (الله يحفظه)

بس دخيلكم ركزو عالبيت الاخيــرر...

:




مسّيت بالخير يا سيّد طموحاتي

ياللي بطاريك اودّع ثروة شتاتي

لك اتجمّع و اصير من الوله عشرة


الكل منهم خذا طبعي و ميزاتي

وانا لي من الطبوع .. طبوع ما توصف

تخيّل اني احارب كل رغباتي

إلا عدم شوفك و تمجيد صولاتك

ما هو بفي جدول اسئلتي و اجاباتي

لأني أيئس من الدنيا و من فيها

و طاريك لا مر يرفع معنوياتي

يتراقص الا ببالي فكرة و فكرة

و انا على الفاتنات افتل شنباتي

شاعر يقدمني العالم على علمه

ويغني الدهر كله من كلماتي

لو يجمعون الشعر كله على كفّة

ترجح بكفتها الاخرى اطارف ابياتي

قلته و اقوله و ابا اقوله لأن الله

يقول حدّث يا عبدي باعظم آياتي

و سبحانه اللي خلقك و عدد خصالك

و خلاّني احطها بأميز حساباتي

كنت اعرفك بس ما كنت اعرفك واجد

و قلّة معرفتك ما هي ضمن غلطاتي

الله يخلّي رفيق الخير عبدالله

زرع معرفتك في قلبي وفي ذاتي

إلين صار انتماء القلب عيناوي

و صارت معرفتك من ضمن اهتماماتي

صرت انت في عقلي القدوة و بسماتك

ترسم على وجهي المجروح بسماتي

لو لي الوفا يقتبس منك تعاليمه

يلوق مدحي لطاريك و تحيّاتي

الكون لو فيه خمسة منك يا محمد

ما شفت انسان يشكي الضيم و يحاتي

ما هي غريبة عليك انك ولد زايد

شيخٍ ترز له راياتك و راياتي

هذاك انا ما اقدر اذكر شي من طيبه

اخاف اعبّر و تخذلني عباراتي

اللي انا ودّي اقوله و ابا اختصره
اخلصك يا محمد اسمع الآتي :

من كبر زايد و من فعله و من طيبه

بوش يتمنى يصير انه اماراتي

((الله يرحمك يابوخليفة ويطول بعمر بوخالد))

__DEFINE_LIKE_SHARE__