مساعدة يا وجيه الخير

[محروم.كوم]

السلام عليكم ورحمة الله وبركاته

مساءكم خير إن شاء الله

انا عندي جمس من نوع شفر موديل 99 امريكي

يوم السبت اللي فات كنت رايح لدوامي وما كان فيه شي

وانا طالع بعد إنتهاء الدوام ادق السلف ما يشتغل تقول ان البطاريه مو فيه خلقه

فكيت الكبوت بعد النظر و التفتيش مسكت بالصدفه سلك البطارية الموجب

و اصبعي على صامولته سمعت كأن ازرار الباب تفتح

رحت اشغل السيارة اشتغلت ,, مشيت فيه شوي والا تطفي وانا ماشي

و تهدي لين توقف تماماً بعدين اشغلها و تشتغل وتمشي ونفس الحاله

واحياناً ادق السلف ما فيه صوت واروح نفس الحركة حقت سلك البطاريه واسمع الصوت

و اشغلها وتشتغل ,, شلتها بسطحه

وديتها عند الكهربائي وقال بعد التشييك حساس بنزين

نظف الحساس و غيرت الصفاية و سويت كل شي

اخذتها من عنده اوكيه تمام

يوم الاربعاء الصباح رجعت لعادتها القديمه السلف ما له صوت فتحت الكبوت

مسكت السلك سمعت صوت مفاتيح ابواب السيارة شغلتها اشتغلت ..

مدري وش المشكله تراي عليمي بالسيارات

ياليت تقولون لي وش فيها بنت اللذينا !!

و بكره عندي دوام برا الرياض وخايف وش بيصير

يمكن القى حل الحين و اقدر ازبطها قبل الليل


تكفوووون يا ذيابه __DEFINE_LIKE_SHARE__