طريقة فك ديكور مسجل الباثفندر وتنظيف العدسه ....

[محروم.كوم]

السلام عليكم ...
حيالله الشباب كل واحد بإسمه ...

جايب لكم اليوم طريقة فك الديكور حق المسجل بالصور :good2:
واللي سألني عنها بعض الشباب لكن للأسف ما قدرت أوصل لهم الفكره بدون صور ..
و طبعاً سبب فك الديكور هو عشن نقدر نفك المسجل وننظف العدسه .. لأنها مع والوقت يجيها غبار ويصير المسجل ما يشغل السيديات ...
ولو رحت لمحل قالك بـ 100 وإلا 90 ريال وأنا سبق نظفتها بـ 70 ريال وهي والله ما تستاهل 30 ريال ..

الطريقه سهل ما يبيلها شي بس أهم شي قبل لا تفكر تفك الديكور اترك عنك العباطه ( الجفاسه )




بسم الله نبدأ ..




نحط المفك (السكروب ) السالب فوق ديكور المكيف يمين ونحرك المفك لفوق مره ومرتين بشوش إلى أن يبدا الكلبس ينفك أو الديكور يطلع ...



بعد كذا نلاحظ أنه بدا يرتخي ...



وبالصوره هذي نشوفه بدا ينفك ...



ثم ننتقل للوسط ونفس الطريقه ندخل المفك ونرفع على خفيف ونكرر إلى أنه ينفك الكلبس ..



ونلاحظ أنه بدا ينفك أكثر ..



ثم ننتقل فوق يمين ونفس الطريقة ..



وهنا يكون ديكور المكيف شبه خلصنا منه وهو أصعب خطوه تقريبا ..



بعد كذا نفك الفيش حق الساعه ..






افصل الفيش من تحت يعني اقلب الديكور وألا دنق الله لا يهينك :burnout2:



بعد كذا فك المسمارين حقت ديكور المسجل والمكيف ..

نكمل بالرد التالي
7
7
7

__DEFINE_LIKE_SHARE__