لن نبخس سلعتك ولكن لاتبالغ بالسعر ولاحظ الوقت

[محروم.كوم]

السلام عليكم ورحمة الله وبركاته

قريت الموضوع الي كتبه مشرفنا ابو رداد عن بخس السلع وان من يبخس السلع متعمدا سوف يتم ايقاف عضويته واعجبني الموضوع كثير وانا اؤيد ذلك

ولكن عندي ملاحظه بسيطه على بيع الطيور خاصة بعض الطيور تعرض ويبالغ اصحابها بالسعر ويطلب سعر معين او يقول مسيوم خارج المنتدى بكذا وكذا او لا احد يسوم اقل من كذا !!!!!!!!

انت كذا تفتح مجال لبخس سلعتك في نظرك طبعا وانت لاتدري لان الناس يبون يعطونك السعر المعقول
حسب السوق والمتعارف عليه عند الصقارين ..

يعني على سبيل المثال تعرض طير بيتي ماشاف الا الحمام وتقول لا احد يسوم اقل من 15000 او عشره اوعشرين !!!!!!

وبعض الطيور مالها علوم ومعروضه بالربطه يعني مافيه امل تشوف جناح الطير الا على هدد طبعا طيب كيف اسوم وانت طالب مبلغ وبالربطه

خلاصة الكلام نرجوا عدم بخس السلع ولكن بالمقابل نرجوا من اصحاب السلع وخاصه الطيور عدم المبالغة وملاحظة الوقت لان الوقت له دور كبير في سعر الطير بعضهم مسيوم طيره بمبلغ وقت الموسم ولازال يبي نفس المبلغ اي نعم هو حر في حلاله ولكن برضه كل يسوم بالي يخارجه .


ارجوا ان لايفهم كلامي انه موجه لشخص معين او سلعة معينه يعلم الله

تحياااااااااااااااااااااااااتي للجميع __DEFINE_LIKE_SHARE__