حلا السنافر بالفيمتو

[(****)]

السلام عليكم ورحمة الله وبركاته

السنافر بالفيمتو



المقادير:-

بسكوت جاي + خلطة (القشطه مع باكيت كريم كراميل )+ باكيت دريم ويب مخفوق مع حليب وفانيليا + فستق مطحون وفواكه مشكله للزينه + فيمتو + كوب حليب

الطريقه :

اتيبون صحن البايركس وتصبون شويه من خلطة القشطه + شويه من خلطة الدريم ويب + رشة فستق و رشة فيمتو
وتوزعونه كله في قاع الصينيه خلاف اتيبون البسكوت وتغمسون حبه حبه في الحليب وترصونه في الصينيه بعدين تردون مره ثانيه تحطون شويه من خلطه القشطه وشويه من خلطة الدريم ويب ورشة فستق و فيمتو وتغطون البسكوت زييين بعدين تردون تغمسون بسكوت في الحليب وتصفونه وعلى هالشله كل مره طبقه مكس من الخلطات والفيمتو والفستق وطبقه من البسكوت ليين توصلون الطبقه الاخيره خلاف توزعون الفواكه المشكله ورشة فستق مطحون للزينه وتحطونها في الثلاجه عشان تبرد وتتماسك خلاف تقطعونها وهني وعافيه على قلوبكم .

تنويه : في اكثر من طريقه للسنافر تقدرون تضيفون صوص فراوله او شوكلت او قطع كيك او حتى الايسكريم اي شي يعيبكم .

السموحه عالقصور ^_^

__DEFINE_LIKE_SHARE__

[الـدانـة]

وعليكم السلام والرحمة


تسلمين أختي بنت الأفلاج ع السنافر الحلوة


ويبالي أجرب طريقتج في يوم من الأيام


اممم انزين شو يستوي لو خلطنا خلطة القشطة ويا خلطة الدريم ويب ويا بعض ؟؟


أنا أخلطهم كلهم ويا بعض وتطلع من أحلى ما يكون


والله يعطيج العافية ع الطرح


ولا تحرمينا من يديدج ومن أكلاتج الحلوة __DEFINE_LIKE_SHARE__

[(****)]

ربي يسلمج ويعافييج


جربي وطرشي صووبي

احم احم والله ياسلااامي بعض النااس يسونها سااايحه كح كح

تدرين يعني مب شي تكون ساايحه

اسولف دبوه هي مسالت فن كل شخص وطريقته تقدرين تسوين اي شي بطريقتج وبلمسااتج <-- حلوه بلمساتج

يعافيج ربي حيااج كل يوم ما تقصرين عالرد الطيب ^_^ __DEFINE_LIKE_SHARE__

[the_small_lady]

اممم شكله لذيذ شرايج انتي سويه وارسلي لي وبس يعجبني اسويه وارسل لج>>ناويه عليها تتنوم بالمستشفى

هههههههههههههه

بسم الله عليج يالغلا

تقبلي مروري


وبانتظار الاروع __DEFINE_LIKE_SHARE__

[м!sS Gα|αҳcy]

يه يه شو هالزين

بيضتي الويه

بهالحلاوه الغاويه

بس انا اخلط كل المقادير والقشطه وكلها
واحطها بالصينيه وتحتها بسكوت
عقب الخلطه
اكثر عن طبقه اسويها الصينيه

واخر شي اشر عليها كاكاوي المفضل جلكسي هع


تسلم يمناج ع الابداع

ونترقب منج كل يديد __DEFINE_LIKE_SHARE__