مقناص سوريا 2010

[محروم.كوم]

صبحكم / مساكم الله بالخير .....
حبيت أوضح لإخواني في المنتدى عن مقناص سوريا بعد ماكثر الكلام عن سوريا ومصر!!!
بالنسبة لسوريا انا رحت مع الربع في منتصف 3 -2010 وكانت الرحله موفقة والحمد لله، سكنا في قرية أسمها (القريتين) تبعد عن الشام تقريبا 120 كيلو وعن حمص 90 كيلو...جاية في النص تقريبا ،والناس فيها طيبين ولا لحد علاقه بحد ...نطلع اول الصبح للمقناص وفي من الشباب السوري يتصل ويقول عنده كراووين ويترزق الله الواحد في حدود 2000 سوري للواحد ويشترط ان اذا تبي تشتري تشتريها كلها سواء كانت 2 او 3 او اكثر ...ويعتمد على المكان (وعر.حوله قرية او مزارع)والسكن هناك في حدود 2000 الى 2500 سوري في الليلة او حسب اتفاقك مع صاحب السكن.والطير يدخل مع ورقة صحية وبمبلغ 400 دولار..
والبترول غالي جدا والجي اكس 2008 او 2009 اذا كان فاضي اتعبيه بمبلغ 110 دولار
....والشي السلبي اللي لاحظته انه يصير بين الخليجين مزايد على الكراووين بشكل غير طبيعي والمفروض ان هالشي مايصير وكل بياخذ رزقه وبيحصل والكراووين متوفره..بس على ماسمعت انها وصلت فوق 20.000 الف سوري شي غير منطقي...ولو كل خليجي يقول انا بقنص بنفس مب مشتري او او اذا بيشتري يقول للسوريين اللي عندهم الكراووين اكثر من 2000 لا احد يبلغني او يتصلي ..لانه اللي يصير اللي يرفع السعر ويتم الاتصال به ويقولون عندنا كراووين يقول اوكيه اوكيه وعقب يقول لا او يتعذر بأي عذر وانا هنا مااخص حد معين بس هذا اللي سمعنا وعرفنا من السوريين .
والاكل رخيص جدا جدا شي لايذكر..ولا يحضرني حاليا كم ؟...وكنا نقطع تقريبا عن السكن 150 ك ولا شفنا اي شي يضايقنا ولكن مانروح للاماكن اللي فيها شك ومعنا سوريين طيبين وينذكرون بالخير.. __DEFINE_LIKE_SHARE__