قصة3 رجوع الصافى (عفات )وقصيده

[محروم.كوم]

نعم كان البيع وراح عفات تاريخ 2009_11_27

وطلعت بعده فرخين سباق لكن مهن حول عفات والطير اقنصوا فيه بالمملكه ولا توفقوا الا بوحده وتشابطن الطيور وراحت الحبارى و بعد شهر من البيع سمعت ان عفات شراه رسول المطيرى اللى بالحفر اب 25 الف وكانوا حادينه بحوالى 40 الف وصار اختلاف لان الطير ينقل يعنى يطير بالحمام مع انه عندى ما يتحرك يمكن لانه طاغى بالصنعه لانى اهده على وزن 1200 بس عندى ماكان ينقل لكن الطير صلف ويمكن ماعرفوا لطبعه تخالفو الطير ينقل وزينوا طبعه وحنا على بيعتنا زعل خوينا وقال ماعاد هو للبيع واخذ الطير طبعا انا ماصدقت خبر اتصلت عليه بجواله وقلت الطير على اب 25 على بيعته طبعا انحرج منى وقال انت راع الاوله وتراه جالك بقيمته 1500 دينار قلت انعم الله عليك ورد الصافى عفات تاريخ 2009_12_27 طبعا اكيد للشعر طرف

قلت:

هلا يا عديم الجنس يا مرحبا عفات
...................... عيونى لك الله قرت بشوفتك مجيوب
فقدت الامل من بعد غيبتك شهر ٍ فات
...................... وردك على اللى عقل يوسف ليعقوب
يا عفات والفرقا مهى من صميم الذات
................. ضروف الزمن عسره وبعتك وانا مغصوب
بعد السهر فى محجرى يا النداوى بات
.......................ولا فيه سجه والونس داخلى مشطوب
انا كيف ابدله وين انا وين والسجات
................... ولى خاطر ٍمن غبت عنى واهو معطوب
ليا من طرت خوتك بالجيب والهدات
........................ يولع حشايه لين شمع الحنين يذوب
واعاتب خفوقى ليه فرطت فى عفات؟
.................... واصب الحسايف والزعل والحنايا كوب
وبعد التشره اسئله مالها خانات؟؟؟؟؟
........................ ولا فيه اجابه شافيه توفى المطلوب
انا وين ابلقا مثل جنسك مع الشبات
....................... واقول انها صعبه تكرر بلا عذروب
رهاوتك تسخيرك وصملتك باللجات
.......................ملامسك عينك عاتقك كفك العاطوب
اصالتك جنسك ماكرك مابهم شكات
......................مواميك لونك وسرتك ظهرك المشعوب
مقفاك حجمك منطحك صادق الرمعات
....................جسارتك طبعك مفرعك وجهك المحسوب
مثايلك فى عينى على كثرها الهقوات
................... وطرق الهجينى ما تشيله على المسحوب
له الحمد من ندعيله ويقبل الدعوات

....................وله الشكر من جابك على غاية المطلوب
فقدت الامل من بعد غيبتك يا عفات
...................... وردك على اللى عقل يوسف ليعقوب
..................................
واتمنى انها عجبتكم ولكم منى وافر الاحترام والتقدير
اخــــــــــــ مطلق الفزران ــــــــوكم:l __DEFINE_LIKE_SHARE__