الحلم

[محروم.كوم]

وصلتني عبر الإيميل ولا أعرف قائلها
لكنها أعجبتني
وإن شاء الله تعجبكم

================

نبنــي من الحــلم حــلم ونرجــع نهـــــده

ونصبـــح على أحلامنا ونقول يا هـــادي

ملينـــا الأحــــلام والواقــــع وصل حــده

غاديــن والصــدق مثل أصواتنـا غــادي

يا رب رحمتـــك وش صايـــر بهالمـــده

وشلـــون صرنا نشوف أن الغرق عـادي

ما جفت دموعنــــا في مــــوت أهل جده

واليـــوم حــزن الرياض فوجهها بـــادي


صرنا نخــــاف المطــر ونعـــد له عـــده

نخشــى من الخيــــر كنا نسكـن بـــوادي

في كل شارع غـــرق وبيــــوت منهـــده

وأجســـاد ما بيـن حــي وميـت تنـــــادي

من اللي نوقف معــه واللــي نقف ضــده

ضعنا ما ندري من نحب ومن نعـــــادي

غشى الرياض أمس مثل اللي غشى جده

يا رب مدري وش اللي يصير ف بلادي

__DEFINE_LIKE_SHARE__