الشاهد عليك شجرة!! (ريم البراري)

[محروم.كوم]

هذي قصة سمعتها وحبيت اكتبها لكم وراح اكتبها باللغة الدارجة احسها احسن في (السباحين)

كان فيه رجلين (بنسميهم نمر ومطر) نمر كان بحاجه لمبلغ من المال فطلب من مطر المبلغ وكان عباره عن 500 جنية /درهم / دينار (مدري متى صارت القصة) المهم ان مطر كان المبلغ عنده فاعطاه لنمر.
نمر قال له وكانوا واقفين عند شجرة وماحولهم احد انا برجع لك المبلغ متى ما توفر عندي وراح اشهد هالشجرة على انك اعطيتني هالمبلغ واني راح ارجع لك المبلغ اول ما يتوفر معي ووافق مطر.
مرت الايام والشهور والسنين:s :c :lr :r :l
دارت الايام واحتاج مطر للمال وتذكر نمر اللي تسلف منه المبلغ فراح يدور عليه ويسال عنه لحد ماوصل له
طلب منه المبلغ فانكر نمر انه استلف المبلغ من مطر فصار مطر يذكره بالموقف والمكان والشجرة وهذا يزيد اصرار على الانكار وقال له رح للقاضي اشتكيني!!
راح مطر للقاضي وقص عليه السالفة فاستدعى القاضي نمر وانكر انه يعرف هالشخص او انه استلف مه شي!!
القاضي قال لمطر: ابيك تروح لنفس الشجرة اللي قلت انها شاهده على نمر وتسالها وترجع تقول لي ايش قالت لك.قال مطر: هذي شجرة ماراح تنطق بشي!!
قال له القاضي: انا اامرك تروح وتسالها وترجع.

راح مطر من عند القاضي.
قال القاضي لنمر :انت بتجلس عندي لحد مايرجع صاحبك من عند الشجرة.
مر يوم ويومين وثلاثة(مكان الشجرة كان يبعد 3 أيام مشي على الاقدام)
بعد 3 أيام كان القاضي يتكلم مع نمر قال له:تأخر صاحبك كثير.
قال نمر:ايه يحتاج 3 أيام علشان يوصل مكان الشجرة و3 أيام علشان يرجع.
بعد 3 أيام فعلا رجع مطر.
سأله القاضي :وصار معك؟
قال مطر:سالت الشجرة ولا تكلمت!!
قال القاضي:الا ابشرك انها تكلمت
التفت على نمر قال: رجع المال لصاحبه
ورجع الحرامي الفلوس لراعيها
طبعا اكيد عرفتوا كيف عرف القاضي ان نمر كذاب وحرامي
ورجع الحق لصاحبه بفضل ذكاء القاضي

وسلامتكم

__DEFINE_LIKE_SHARE__