صور ومقاطع لسيل ( ماسل + فيضة المفص + أبو مروة ) أثناء سفري للقويعية من القصيم

[محروم.كوم]

أيها الإخوة والأخوات الاعزاء .....




يوم امس الثلاثاء 20-5-1431 هـ , رحت للديرة ( محيرقة ) من القصيم وكان خط السير
( مطار القصيم - الرس - نفي - عرجاء - الدوادمي - ماسل - فيضة المفص - ابو مروة - مزعل - محيرقة ) حسب الخريطة التالية




واللي فيها رسم للطريق من بعد نفي بديت اشوف الخير من جهة الجنوب وبعد ما تعديت نفي وبالضبط قبال جبلة لقيت آثار لأمطار وسيول مسافة حوالي 10 كيلو لسحابة ضربت الأرض وسيلت الشعاب ولما وصلت عرجا جانا فيها عجٍ بغى يشيلنا ياكافي إستمريت ودخلت الدوادمي ومسكت خط ماسل ولقيت الشعبان سايلة قريب من الفجر على ما اعتقد , لكن يوم وصلت ماسل وتعديته لقيت كل شي يمشي , لا إله إلا الله سحابةٍ واطية المنطقة من بعد العصر مباشرة سيلت ماسل وداحس وفيضة المفص وأبو مروة وسيلت وادي صميغان والحرملية والخضر بعد حسب ماسمعت

وأترككم مع الصور يتبعها مقاطع الفيديو



المزون بعد الخوج من نفي







المنطقة قبالة جبلة ( مابين عرجاء ونفي ) واللي وطاها الخير وسالت مع كل الجهات















من ماسل إلى فيضة المفص ( بحر ) وكل شي يمشي لا إله إلا الله وياله قدرنا نقطع بعض الطريق اللي يعبره السيل


يتبع .... يتبع

__DEFINE_LIKE_SHARE__