يالموتر اللي من قناك اردف الضيم 0000000 وامسى على درب الحياة العسيمه

[محروم.كوم]

يالموتر اللي من قناك اردف الضيم=وامسى على درب الحياة العسيمه
ما فيك حسنا مير سبعة مثاليم=صانعك ما حافك ومثلي خصيمه
الفين وسته يا كثير المخاريم=انا اشهد انك مثل قارح هليمه
من وين اباصف عجفتك يالرخيخيم=ما تسوا بالممشا ظلوف البهيمه
تقبل كما القنفذ عيونه مجاحيم=والموخر سواة العشوب الهشيمه
ان جا غراز امسيت هرش المجاهيم=لا سارح بسهله ولا فيه قيمه
وان ثولث الاقشر برك بالمجاثيم=مثل المكون اللي رموها غنيمه
واللي بغا القطعه ولو هي قواظيم=يلقا الغثاوى والفلس والهزيمه
ما له صيانه بالورش والتعاليم=الا الوكاله مثل سجن الجريمه
خرابه اكثر من جروم العجاريم=طامن ويضرب بالصحاري لهيمه
يمضي طويل اوقات يعرض ولا سيم=ماحدن يريده لو بعفشن وخيمه
مكينته فيها عقود ودحاريم=بالكمبيوتر وزنته واتحزيمه
صليبه ان عاش الشهر فالفضا غيم=وان عاش خمس شهور فالغيث ديمه

ما فاده صيانه ولا فاد ترهيم=والا الدبل يقرش ويبطي لقيمه
والحمد للي طايعينه محاشيم=باعث ابن ادم مرجعه من رميمه

يوسف الخليفة ( أبو عبد الله )

__DEFINE_LIKE_SHARE__