أبوشيبة/اغلى ثلاثِ

[جنـ الليل ـون]

من روائع مدغم أبو شيبه

انثر على خدي من الدمع وأنوح
لين المدامع جف ماهن وباحن

ومشاعري من شان لاصير مفضوح
اكذب على نفسي وأقول استراحـن

اهدي أعصابي وأنا أفور iiوأفوح
لو فوقي الدلة والإبريق فاحـن

لني فقدت الروح مع تـوأم الـروح
اغلي ثلاثٍ في حياتي وراحن

راحن وباب القلب للحـزن مفتـوح
والنوم عن عينـي دروبـه تناحـن

ورثت من مرواحهن عشرة جروح
اسكت وهن سكوت ون صحت صاحن

والى لزمت الصمت ماودي أبوح
تجردن مـن صمتهـن واستباحـن

يال النصيب اللي كتب لي على اللوح
علقتهـن بيـن المحاجـر وطاحـن

طاحن ويوم الظل ميل على الدوح
كن الحمايم فـي ضلوعـي تلاحـن

ياكسرة الخاطر وياقصـرة الشـوح
ضحيتين الحرب والحـرب طاحـن

قفن عن عيوني بروقٍ لهن ضوح
وأتلا العهد في شوفهن عقب لاحـن

زينة حياة.. ونصف دين.. وغذى روح
أغلى ثلاثٍ في حياتـي وراحن

وسلامتكم ..

__DEFINE_LIKE_SHARE__