مشكله في قير يوكون 97 gt حيرت كراجات الكويت

[محروم.كوم]

السلام عليكم ورحمة الله وبركاته
اخواني بارك الله فيكم عندي مشكله ما احد عرف يحلها بكراجات الكويت كلها واتمنى القى حلها عندكم جزاكم الله خير

المشكله ان الموتر اذا صار بوجه الهواء وعلى سرعه يفصل اللوك اب ويرتفع الضغط شوي وبعد فتره بسيطه يرجع نمره ثالث ولا عاد يبدل رابع احيانا اوقف وامشي ويضبط شوي ويرجع مره ثانيه مع استمرار المشي عليه يطق القير مره وحده

المهم اول قير جفته ولا راحت المشكله منه وفكينا وركبنا القير اربع مرات مره بدلنا البطيخه ومره السويجات اللي على البلف بدي (مخ القير ) ومره بدلنا البلف بدي كامل واخر مره بدلنا الضفيره الداخليه المهم بالنهايه طق القير هذا الثاني

ثاني قير شرط علي راعي الكراج طبعا كراج ثاني اذا ما ضبط ما ياخذ مني شي ويرجع لي فلوسي الرجال كان واثق من قيره اللي بيركبه لي لانا اتفقنا على قير جديد هو مجفته بيده المهم ركبنا ولا ضبط وطق لحق اخوه اللي قبله

فحصنا الدبل والدفرنشات حتى السيرفو حق البريك بدلته قالوا يمكن فيه عطل يمسك بريك على الخفيف والموتر ماشي ويسبب له ثقل

قالوا مشكلة كهربا وفحصنا الكهرباء من الى سليييييييييمه مافيها شي ضبطنا الضفيره الخارجيه للقير مع الحساس ما فيه شي بالعربي صار كل ما امر على كراج ولا كهربائي يقول اعذرني هالموتر ما اشتغل فيه

المهم اخر قير رجعت لخوينا الاخير قلتله مالك شغل ابي منك تاخذ اجورك فك وتركيب وانا مسؤول عن القير فكينا القير وطلع نظييييييف من داخل ما فيه الا الحزام مال الثاني والرابع اللي خربان بدلناه وبدلت كلتشات الثالث والرابع بنوعيه طيبه عن الشكه ولازالت المشكله في القير


يا اخواني فزعتكم تكفون الله يرحم والديكم والله جنني هالموتر والكلام هذا كله في ثلاث شهور فقط طبعا شهر واحد شغال والباقي في الكراجات محضر عندهم

الموتر يوكن 97 gt باب واحد قير 700 كهرباء دبل قير ارضي __DEFINE_LIKE_SHARE__