اتغلى عليه ...

[ظبيانيه استايل]

قصيدة اعجبتني و حبيت انقلها لكم..
اتمنى انها تحوز على اعجابكم..




يحسبني يوم سلم ما سمعته

سامعه...بس إني اتغلى عليه


بس قلبي حاول يرد ومنعته

لا ترد .. وسو نفسك ما تبيه


قلت ابثقل بس ثقلي ما استطعته

و ابتسمت.. و جيت لمعانق يديه


قال احبك.. وقلت أنا حبك طبعته

من زمان.. بخافقي ما احدٍ يجيه


قال بدري.. قلت هذا اللي جمعته

من كلام .. وقال أنا كنت احتريه


حبه اللي داخل عروقي زرعته

يشربه قلبي.. و روحي ترتويه


قدره اللي بينهم عندي رفعته

عن سواه ويصعب التشكيك فيه


يحسب إني يوم ما رديت بعته

ما درا إني بكل عمري مشتريه
=
=
=
=
=
=
=
=
=
=
=

والصراحة يوم سلم ما سمعته

كنت أفكر.. كيف أنا اسلم عليه



تحياتي
ظبيانيه استايل __DEFINE_LIKE_SHARE__