عروس تطبخ ليلة زفافها !!

♕ وليد الجسمي ♕ · #1 08-03-2008, 06:56 AM

عروس تطبخ ليلة زفافها
--------------------------------------------------------------------------------

شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة؟؟؟
بعد ما دخل صاحبنا شقته مع زوجته وإذا بجواله يدق ويقوم خوينا يرد على الجوال ويدور الحوار التالي:
الزوج : ألووووو.
المتصل : السلام عليكم ورحمة الله وبركاته . كيف حالك يا (فلان) و ألف ألف مبروك .
الزوج : وعليكم السلام وينكم يا أنذال ما حضرتوا الحفل يا تعبانين.
المتصل : والله تعطلت علينا السيارة في الخط وحنا جايين عندكم ووصلنا وسألنا عنك قالوا انك رحت مع المدام.وذلحين حنا راجعين الديرة.((طبعاً الديرة تبعد حوالي 300كم ))
الزوج : المهم تعشيتوا .
المتصل : لا والله.
الزوج : كم عددكم؟
المتصل : عشرة.
الزوج : أقولك (حرام طلاق عشاكم الليلة عندي) قل تم.
المتصل : يا ابن الحلال (غيير بدل).
الزوج : يالله أنا أنتظركم مع السلامه.
وقفل الخط.
الزوجه المسكينه ميهي مصدقه اللي سواه زوجها ليلة الدخلة ثم قال يا فلانه أنا رايح السوق وراجع........((على بالها بيجيب عشاء جاهز)) بعد ربع ساعه رجع الزوج ومعه أغراض العشاء .
قالت الزوجه وش ذا . قال الله يسلمك قومي سوي العشاء لزملاي في العمل جايين من بعيد ولا تعشوا . في أثناء الحوار. وإن الباب يدق .. قال هم ذولا وصلوا يالله همه يامره. وراح عند ربعه يقهويهم. المهم المسكينه في المطبخ تقطع البصل و الطماط بفستان الزفاف وعيونها تدمع وتقول في نفسها ( بكره بأرجع عند أهلي من الفجر وأطلب الطلاق) المسكينه سوت العشاء وتعشوا وراحوا لديرتهم المسكينه متضايقه

و المفاجأة؟؟؟؟؟؟؟؟؟؟

أن زوجها يدخل عليها ويرمي لها بــ (50000)خمسين ألف قال هذا حقك قالت وشوا حقه قال الرهان اللي بيني وبين زملاي العشرة على كل واحد (5000) بأنك تطبخين ليلة الدخلة وش يكون ردة فعلك يا موافقه ولا لا وأنتي من كسب الرهان وتمت ليلتهم على خير و أصبحى أسعد زوجين

وش رايكم منقوله للامانه __DEFINE_LIKE_SHARE__

غناتي جميرا · 08-05-2008, 08:09 PM

حلوووه وضحك؟..
بس أستغربت أول شي بس هذا شي لازم على المره تسويييه.. يزاك الله ألف خير على القصه __DEFINE_LIKE_SHARE__

♕ وليد الجسمي ♕ · 08-06-2008, 05:26 PM

المشاركة الأصلية كتبت بواسطة غناتي جميرا

حلوووه وضحك؟..
بس أستغربت أول شي بس هذا شي لازم على المره تسويييه.. يزاك الله ألف خير على القصه

تسلمين اختي ع المرورك الطيب

و دمتي في امان الله __DEFINE_LIKE_SHARE__

عيناوي حبتين · 08-08-2008, 10:48 AM

تسلم اخوي ع القصه ..

يعطيك العافيه .. __DEFINE_LIKE_SHARE__

♕ وليد الجسمي ♕ · 08-09-2008, 04:38 PM

المشاركة الأصلية كتبت بواسطة عيناوي حبتين

تسلم اخوي ع القصه ..

يعطيك العافيه ..

تسلمين اختي ع المرورك و ردك الجميل __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
في ليلة زفافها : زوج أختي	أم عفراء	قصص و روايات	19	09-14-2012 01:11 PM
.::عروس لم تستطع أن تكف من الضحك أثناء مراسم زفافها ::.	نبض روحي	عجائب و غرائب	40	11-12-2009 11:54 PM
عروس تموت ليلة زفافها بسبب باروكة	قمر ام القيوين	قصص و روايات	21	01-23-2009 09:45 AM
عروس تموت ليلة زفافها بسبب باروكه	بنوتة عجيبة	قصص و روايات	8	12-17-2008 07:40 PM
عروس تصاب بالعمى ليله زفافها	بحور حب رومنسيه	قصص و روايات	20	11-19-2008 08:20 PM