الله يضيع شبابك...الى الصقاقير وكافة الاعضاء والمشرفين,,,,,,ذراع الذيب

[محروم.كوم]

بسم الله الرحمن الرحيم,,


السلام عليكم ورحمة الله وبركاته,,


)ما روى مسلم بسنده عن أبي سعيد الخدري – رضي الله عنه – أنه قال: سمعت رسول الله صلى الله عليه وسلم يقول: ((من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان)).

مساكم\وصبحكم الله بالخير اعضاء ومشرفين وزوار منتديات مكشات,,


وشولونك عساكم طيبين كلن بأسمه ,,


مانطيل عليكم الكلام قريت موضوع لواحد من اعضاء هالخيمه الطيبه,,


رجال شرواكم بعد ماقريت الموضوع رد عليه واحد بكلام يعلم علي الله,,


انه جرح مشاعري هالكلام مايقوله رجال عاقل عسا الله يهديه ورد عليه,,



صاحب الموضوع بدعوه عزالله خفت منها


وتذكرت قصه قالها لي رجال عمره حول 45 سنه ويقول كان هو وخويه ندرس بالكفاءه (المتوسطه) وكل واحد فينا اشترى سياره من نوع ميتين ال اول ماظهرت وكنا دايم لاظهرنا من المدرسه نتسابق بالسيارات لبيوتنا وكان على نفس الطريق منعطف وكان التحدي بينا منهو اللي ياخذ المنعطف بأكبر سرعه وكنا يوميا على هالحال وكان عند المنعطف بيت لرجال شايب هالرجال اذيناه كل ظهر واشتكى هالشايب منا لكن استمرينا على هالحال وفي يوم جاء خويي بالسياره بعد ماظهرنا من المدرسه مسرع لأخر حد واخذ المنعطف وتحوص عليه السياره وتنقلب اكثر من قلبه ويقول انا كنت خلفه لكن مانيب مسرع وتجمعو الناس ووقفت السياره بعيد عن الحادث وجيت ابي اشوف خويي وش صار فيه حصلته متكسر لكن سلم من الموت وجاء الشايب اللي اذيناه ووقف على راس خويي المصاب ودعى عليه وقاله الله يضيع شبابك الله يضيع شبابك هذي اخر كلمه قالها الشايب وراحت الايام وجات يقول انا تخرجت من المدرسه المتوسطه وخويي فصل من المدرسه وانحرف واصبح يتعاطى ويبيع المخدرات لاحول ولاقوة الابالله واختفت اخبار خويي وماعاد له وجود وبعد 18 سنه جاني خبر عنه ان الرجال مسجون في مصر انصدمت ويقول لي الرجال زرته في مصر ودخلت مكان زيارة المساجين واخر ماشفت الرجال فيها ايام الثانويه بيني وبين ذيك الايام سنين طويله تغير شكله ويقول انا واقف وسط الزوار ووسط المساجين وكلهم مصاريه ادور على خويي ومضيع شكله لكن وانا ادور عليه لمحت واحد من المساجين وكان هو وعرفت انه هو وهو سبحان الله عرفني وجاني وحضني وحط راسه على صدري وبكى الرجال لمدة نص ساعه ويقول لي الرجال اني مابغيت اقف على رجولي من بكاء الرجال وابكاني وابكى كل اللي حوالي ويردد ويقول دعوة الشايب دعوة الشايب يافلان وانا حاولت ابي اصبره وانسيه الشايب واقوله ماله دخل هذ مقدر ومكتوب لكنه اصر انها دعوة الشايب يوم انه قال الله يضيع شبابك وحكمو عليه بالسجن اكثر من 25 سنه لاحول ولاقوة الابالله عزالله انها دعوة الشايب بسبب دعوة ضاع شبابه ويعلمني خويي المسجون انه تعرف على امراءه من دوله عربيه تبيع مادة الحشيش المخدره وراح لمصر علشان يهرب المخدرات وحط الحشيش على شكل فنيله ولبس عليها الثياب ويوم جاء لمطار مصر ينتظر رحلته ويقول حسيت بأنظار ماهي عاجبتني من كم رجال شكيت بالهرجه ورحت لدورات المياه اكرمك الله مادخلت والا عشرين رجال طرحوني بالارض وضربوني ضرب توقعت اني بأموت منه وهذي هي الحال ,,


,


,


,


تكفون اتركو اذى المسلمين تكفون لاتجيكم دعوه تنكبكم بالدنيا والاخره,,


ماقلتها الا للعضه والعبره ,,

__DEFINE_LIKE_SHARE__