قمت اتذكر واكتب الحرف وابكيه

[محروم.كوم]

السلام عليكم ورحمة الله وبركاته
اليكم هذا اللغز الجديد

قمت اتذكر واكتب الحرف وابكــيه

وابــكي زمــــان راح لا وســـفابــه

ابكي زمـــان لي زمانـــين مغـــديه

يوم الخلايق بالـــشجاعه اذيـــــابه

نسعى لذكــرالله وندعي ونــرجيـــه

نخـشى عــقابه ومــطـمعً في ثـــوابه

والطيــب بين الناس عالي مـبانــيه

والدار لجــل الضـيف مايصك بابـه

وهـــذا زمــان كاثــرات بــــلاويه

الــــرزق بــين الـناس يوخذ انهابه

والـيوم لغـزي عـن قــديم مــسويه

يـومي مـع الــبزران نلعـب اكـعابه

يــاويش ورعن شاقني ذكــر طاريه

ورعـــن صغـــــير مثنــيات اركابه

عليـه مـن نقـش المصقل حـــراويه

ومن السعف ماخوذ رسمة اجنابه

وين الحكيم اللي وضح له معانيه

يفــك لغـــزي ويرسـله لي اجابه

مع تحيات

اخيكم

فهد الهلالي

الشيخ مسكين

__DEFINE_LIKE_SHARE__