| ||||||
 |
| | LinkBack | أدوات الموضوع | انواع عرض الموضوع |
|
#1
03-02-2010, 02:40 AM
| ||
| ||
| السلام عليكم ورحمة الله اليوم جبت لكم الطبق التقليدي مثل ماطلبوا مني اغلب الاعضاء يبون مني اطباق بحرينيه تقليديه فصورت لكم طبقي المفضل وهو العصيدة البحرينية والعصيدة الي عندنا نسويها بالسكر يعني حاليه مو مالحه وتقدم مع البيض وممكن تنوكل من غير بيض والعصيده هذي مشهورة بها البحرين وممكن بعض الدول الخليجيه والامارات وتنوكل اكثر شي الصبح عالريق خاصة بايام الشتاء ووووو كنت انتظر الشتا يجي عشان اسويها لان حلاتها بالشتا وممكن تنوكل في العصرية والمغربية والمقادير انا سويت طبعا مقدارين والحين بحط لكم نص المقدار احسن كتجربه المقادير كوبين دقيق بر منخول كوب سكر ممكن اضافة ثلاث ارباع كوب سكر اذا ماتحبونها حاليه مره نص ملعقة صغيرة ( قرفة +زنجبيل+فلفل اسود+ بزار+هيل) طبعا كلهم مطحونين من كلشي ناخذ نص ملعقة صغيرة ملعقتين سمنه مقادير البيض المقلي 5 بيضات او اربع حسب الرغبه بصلة صغيرة مفرومه والبهارات بزار هيل فلفل اسود ملح من كلشي شوي تقريبا نص ملعقة صغيرة 4 كوب ماء نجي للطريقة : نحمص الطحين في مقلاة عالنار شوي لين ياخذ لون خفيف يعني مدة خمس دقايق  صورة للبهارات المذكورة بزار هيل فلفل اسود قرفة وووووووو نسيت اصور الزنجبيل معليه  ثاني شغله نسويها نحط السكر عالنار ونسويه مثل الكراميل شوي نحرقه ونحاسب اول مايبتدي نشوفه يتكرمل نخفف عالنار وسط نخليها وووونحاسب نخلي بيدنا قماشه اهم شي عشان نمسك القدر لان حرارة القدر تكون مرتفعه في حرق السكر اكثر من اي شي ثاني يعني حاسبوا يلسع لان حنا مو جالسين نغلي ماء  بعد مانكرمل السكر يستوي لونه هالشكل خلاص نطفي النار  ونحاسب نوخر بعيــــــــــد وااااااايد لين نصب الماء الساخن لان درجة حرارة السكر تكون مرتفعه جدا لذا حاسبوااااا رجاءا وتقريبا نصب كوبين ماء ساخن ونخليهم يغلون لين يبتدي يذوب السكر تماما  نحط البهارات المذكورة قرفة زنجبيل هيل فلفل اسود وبزار وفي ناس تحط الحلبه المطحونه بس انا ماحبها  ناخذ الطحين اللي حمصناه نضيف عليه كوبين ماء عادي ونحركه بسلك البيض هالطريقه نسويها احسن قبل مانحطها على السكر المحروق عشان مايتكتل الطحين معانا ونتوهق هذي طريقة الوالدة الله يحفظها علمتني اياها  نضيف الطحين على السكر المحروق بهالشكل واهم شي نكون مسكرين النار ونحرك بسلك البيض لين يتماسك زين وبعدين نحطه عالنار ونحرك ماياخذ وقت بس مدة خمس دقايق لان حنا محمصين الطحين وخالصين وحتى وهو عالنار لازم نحركه شوي عشان مايتكتل طبعا وطبعا لازم تطلع قوتكم كلها في هالوقت عشان الطحين يبيله تحريك قوي عشان مايتكتل  وهذا شكله بعد مايستوي ونسكر النار اممممممممممممممممممممممممممممم لايقاوم صراحه جربوه  نجهز السمنه هذي مسويتها الوالده الله يحفظها عجيبه هالسمنة لذيذة وايد   |
|
| مواقع النشر (المفضلة) |
العرض العادي
| |
الساعة الآن 08:20 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227