تنبيه ضروري لملاك الأف جي كروزر ،،

[محروم.كوم]

مسائكم ، صباحكم عسل جميعاً مالكم بالطويله ،، أنا من فتره طويله معي اف جي فل كامل ماشي حوالي ثمانين الف تقريبا حتى الان وواحد من اخوياي طلع واحد له بعدي بأسبوع ،، المهم في الموضوع من فترة شهرين لاحظت في صوت ( طـــقه ) خفيفه في الأمام ومع مرور الوقت صارت أقوى ومزعجه ( تحسها من تحتك الصوت يجي ،، يعني كأنه بالقير أو الدبل أو الدفرنس الأمامي ) وكلنا رحنا الوكاله ولا يدرون اش فيها ،، قالوالي بنفك دفرنس الدبل ونغيره لك يمكن تكون فيه المشكله ؟! قلت لا لا لا طلعوا السياره بس ،، وخويي نفس السالفه ومافيه ورشه بالرياض ماجيناها ،، كلهم مايدرون شالسالفه ؟! اللي يقول فك الدبل واللي يقول فك الدفرنس واللي يقول غير العكوس واللي يخربط وكلهم من جنبها باختصار ،، المهم أنا بصراحه طفشت من الصوت ،، أزعجني ازعاج وأرقني وماخلاني أنام ،، صرت أخاف أسرع بالسياره صراحه ؟! المهم جيتكم ومن الطفشه قلت خلني أخربها وأخربط أنا بنفسي ،، المهم وأدخل الموتر البيت وأفك الصدام الأمامي والشمعات ،، توقعوا وش اكتشفت ؟!!! v v v v v v v v v v v ماأطول عليكم اكتشفت إن القاعده الأماميه الحديديه اللي تمسك الصدام الأمامي مرتخيه ؟!!! ووأنواع الأزعاج والطقطقه ،، مع العلم أن الموتر ماكد جاه حكه موب عاد صدمه ولاني راعي مطامر بالموتر ولاشيء ،، مكاشيت وبس ،، المهم ويوم شديتها طلعت زي العسل واختفى الصوت تماماً !! يعني اكتشفت انها مع مرور الوقت ترتخي تلقائياً خصوصاً الأخوان راعين المكاشيت والطعوس ،، أحب أنبهكم تراها ترتخي تلقائيا وتسبب ازعاج لكم غير طبيعي تحسون الصوت بالقير أو الدفرنس الأمامي ،، يعني انتبهو لحد يخرب عليكم سياراتكم ويلعب عليكم اذا سمعتوا هالصووت ،، لذلك حبيت أنبهكم ،، ودمتم





تحياتي

__DEFINE_LIKE_SHARE__