أخواني الأعزاء أقدم بين أيديكم طريقتي المتواضعه في صيد الأستاكوزا وأتمنى أن تحوز على رضاكم و أن تكون طريقه موفقه يستفيد منها الجميع.أنا عن نفسي أصيدها من خليج سلمان في مدينة جده من بين الصخور السوداء الكبيره.والطريقه : أربط ثلاثه سنانير عاديه ورا بعض يكون الفرق بين كل سناره والثانيه مسافة صباع مثلا. ( يعني مره متقاربه ) بعد السنانير أربط خمسه أو سته بروسيات وخليهم متلاصقين ببعض(أربط واحد وأللي بعده وراه مباشره) والثقاله تكون بعد البروسيات بمسافه بسيطه.الثلاثه السنانير العاديه أللي في البدايه تلفها على الطعم ( ساردين أو حباره) لف على كامل الطعم بالثلاثه السنانير.و سمي الله وأن شاء الله حالك طيب بس أول ما تسحب معاك خليها تروح بالخيط مسافه بسيطه عشان تتمكن من الطعم وبعدها شك شكه طيبه ومالك ألا طيبة الخاطر بأذن المولى عز و جل.والطريقه الثانيه :تجيب الله يعزك ويعز من يقرأ شراب صوف وتربطه بخيط (الجلب) وتحط اللعف وسط الشراب وتجي صاحبتنا وتتعلق فيه وما تفك.جرب وأدعي لي.و أن شاء الله الفايده تعم للجميع وموفقين.تحياتي للجميع.أخوكم / ( أبو همس ).
__DEFINE_LIKE_SHARE__
02-24-2010, 07:20 PM
العرض الشجري
