يازين مجلاس(ن)به الكيف موجود == في فيضه(ن)مافيه حي(ن)وطاها

[محروم.كوم]

السلام عليكم أرجوا من أحد المشرفين أن يكتبر الخط اللي موجود لأني جلست أكثر من ساعه وماقدرت

المهم خذوا هالقصيده وعساها تنال أعجابكم جميعاً

يازين مجلاس(ن) به الكيف موجود = في فيضه(ن)مافيه حي(ن)وطاها
وحولك رجال(ن)للسوليف مشدود = سوالف(ن)تفتح لك النفس فاها
ثم للقصايد ننتقي خير مورود = وكلن بشعره يفتخر ويتباها
وقم ياحمد عطنا من الشعر منشود = وقوّم بشعرك السفوف بسراها
ومن عقبها يصفى لك الجو برقود = نرقد ولا حولك من الناس جاها
وقبل الفجر ياماحلا شبه العود = نركع ونسجد للوتر في نفاها
وعقب الضحى يطيب لك شوفت الذود = بين الفياض ويغتنم من خشاها
وعقب الظهر نكبس لنا لحمه قعود = ترن منها روسنا من رضاها
وعقب الغدى نحكر لنا شاي موقود = على حراره سمر هذي شفاها

هذاك شفّي يالربع شف مهدود = وكلن على ماقيل نفسه هواها
ويالله عساها دوم بسهود ومهود = ودنياي مايوم(ن)تعكر صفاها
وختامها صلّوا على خير محمود = وعداد مادوت رعود بسماها

أخوكم مشاري بن أبراهيم الحسيني (راعي القصب) __DEFINE_LIKE_SHARE__