فقدتك يا أعز انسان

[بوالجازي]

السلام عليكم
مجموعة مسجات أهديها لكم
اتمنى انها تعجبكم


( هونتها )
لكنها عيت تهون..

لاقلت راح الهم
ألقاه قدام..

فيني ألم مامر
في قلب مخلوق..

وفيني حزن ماشيف
بعيون الأيتام..

عاقل ولكن طحت في
وقت مجنون..

الوقت ضدي والحبايب
والأيام..


" جنة هذه الدنيا التلاقي"

ولكنا وإن ,:بعدت,: خطانا..


فهمس"الحب" في <الله>باقي..

نسافر في أمانينا ونغدو,,,

وفي أحداقنا حب ,,::الرفاق::,,

تمازجت القلوب على " وداد "..

بلا زيف خفي أو نفاق..


وقتي بدونك
لاحشى ماهنالي

ألقى الهنا كله
بصوتك ونجواك

لوتروح لأبعد مكان

أو يفرقنا الزمان

(( لا تظن ))

انسى من سماه قلبي

(( أغلى إنسان ))



رحلت ومن بقى وياي
يحس بضحكتي وبكاي

وحتى الجرح في بعدك
يبكيني وأهليبه

أنا من لي في هالدنيا
سواك
إن طالت الغيبة

فقدتك يا أعز الناس
فقدت الحب والطيبة



خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني



فجري اللي تبينه من غيابك وغيبي
اصلا القلب ..ما بقى به شظايا !!
واتركي لي جروحي جعلها ما تطيبي
ولاتخلين عندي ..منك اية.. بقاياا !!
غلطتي واحتملها يوم اعامل بطيبي
واحسب الناس مثلي واضحين النوايا..!!



شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه



مجبور نضحك يازمن العجايب ....
دام البشر صار بوجه وجهين....
غصب علينا نبتسم للمصايب.....
دنيا نسايرها على العسر واللين....
منها بكى طفل صغير وشايب....
وياما ضحك منها عليها مجانين....


لا فاضت أحزاني ولا زاد همي
ولا إنشويت من الفراق وتحرقت

لا مت من صدك ولا فار دمي
لأن الحكاية كلهاا مضيعة وقت



لا همني قربك ولاهمني رضاك
والله ولا ذكري بقلبي تجيبك
الصد عندي من بقايا عطايات
لا بوك لابو كل طاري يجيبك



هذا الزمن حاكم وأنا فيه
محكوم
ماهمني كبر الفضا و
أتساعه
مدام دمعي جف والقلب
مصدوم
بقول للأحزان سمعا (ن) و
طاعه
ومدامني عشت الزمن دوم
محروم
شيصير لوضاقت علي كل
ساعه؟



أنهنت في حبك وانا حر ما أنهان
والحر ما يرجع لشخص يهينه
والله احبك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباجر يهينه !!!



رص المشاعر بالحبر يا قلم رص
وبعد المشاعر باقي الحب رصه
قلبي يعاني وانت بالحب مختص
وانت اللذي عقلي بلافكار خصه

قصه غرام وكانت اكبر من النص
فها حبيب ساكن القلب نصه
اخر كلامي اطلبك ياقلم وص
خلو علاجي بالاشواق وصه



قالت فمان الله واقفت وانا اقول
متى علي يا زين تنوي الرجوعي
قالت وهي تبكي فراقٍ على طول
واهتز قلبي هزتينٍ تروعي
واقفت وانا حاير ما ادري وش اقول
حاولت اجامل وافضحنّي دموعي
ونيت ونه واحدٍ طاح مقتول
منها خفق قلبي وحطّم ضلوعي
من شاف حالي عقبهم قال لاحول
اسهر وحدي والخلايق هجوعي



لاتنصدم لو شفت بعيوني الموت ..!!
قبلك اشوف الموت .. داخل كياني
تعبت ارتب لك من احساسي بيوت
تعبت افكر كيف قلبك رماني..!
لا تكسر أغصاني لجل تقطف التوت
ياخي دخيلك ماتلاحظ مكاني ..؟!



انا لاجتني الزله من الجاهل وهو كذاب
تركت القافله تمشي وراها تنبح كلابه
ترى بدري على مثلي تعيب وساسها معياب
ياليت اللي يعيبني يحاول يستر ثيابه


خل الجمال اللي بوجهك يسرك
لاصار قلبك من حلا الروح خالي
لاصرت ماترفا حبيبن يبرك
وش خانت العشره من اول وتالي
اللي وطا هالناس لازم يمرك
اصبر وشوف الوقت يثبت مقالي
بحضر زفافك مثل باقي المعازيم
لو كان في ليلة زفافك وفاتي
بحضر نهاية قصة الحب والضيم
واكتب على جرح الهواء ذكرياتي


ودعتها واخفيت عنها دموعي
خايف تحس بحسرتي والتياعي
قالت فمان الله ونطر رجوعي
واشرت بالتوديع حال استماعي
ساكت ولا رديت ماهي طبوعي
من عبرتي تفرض علي امتناعي



تعشق معي عشره وفينا تفننت
هذا تبسمله وهذا شطبته
انا ترى لااقفيت قفيّت مابنت
والشخص لامني كرهته كرهته
مااذل نفسي وارخي الراس يابنت
واللي بغا فراقي ترى ماجبرته



نفسي عزيزه وافهم العلم لاهنت
الذل مايوم ٍ بعمري تبعته
رفضت غيرك وانت بالحب مالنت
ياقرد حظي يوم غيرك رفضته
واذا الغلا يرجع على معرفة نت
انسى الذي بيني وبينك كتبته



حسبي عليك بجرح قلبي تمكنت
ادخلت سم الغدر فيه وجرحته
وانا نسيت اني عرفتك على النت
كنت اعتقدك اوفى عشير ٍعرفته
واثر الغلا زوّال ياسرع ماخنت
كم واحد ٍ غيري بزيفك عشقته


مصدر حياتي عزتي واعذريني
مقدر اواصل بالهوى حاني الراس
صحيح حبك نقطة الضعف فيني
مانكرت لكن عزتي مالها قياس



اعتلي يانفس واعقل ياخفوق
وارقدي ياعين وارحل ياهوى
بنصحك ياقلب لايطويك شوق
روحته مع جيته عند سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها امخلوق
والنجم لاطاح قالوله هوى



أبتركك للغير منهو يسليك
وأببتعد وأنسى ماضي مسيرك

دامك هويت الغير فالله يهنيك
وأنا باعيش أذكر على الدوم خيرك

خلك معه خلك.. يمكن يراعيك
بس لاتجيني لامن خلاك وحب غيرك



قال ابي امشي
قلت عفوا على وين
قال بقفي
قلت مرواح جدي
وش صار يعني لابغيت تقفي
بأموت يعني لانويت بصدي
انا قوي الباس مانيب مسكين
واموت انا في شي اسمه تحدي



ان جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحاالارض وخلا هالسماء
زرقا لعلمك كيف تندم يوم تهجرني



اعتبرني حلم عابر في حياتك
اعتبر حبي سحابة في سماك
اعتبرني من بقايا ذكرياتك
اعتبرني شخص ما يرغب لقاك
ابتعد واجمع مع غيري شتاتك
يوم صار الغير هو غاية هواك
التسلي بالمشاعر من صفاتك
يا فقير الحب اتبع من غواك
روح دور يا عديم الذات ذاتك
بارخص الاسعار يخسر من شراك


بسكت واخبي جرح قلبي عن الناس
مادمت ياخلي في بعدي تناسيت
افهم ترا مافيني شي من الياس
لاني عرف الحب صادق وحبيت
دام الغلا مع كل شخص له اقياس
مات الغلا من يوم عني تخليت


طلعت روحي قد ما احاول أرضيك
والقلب حاول فيك قدر استطاعه
والعين باغلى دمع راحت تناديك
وتشكيك شكوى ميتين المجاعه
والله لو ادري ان هذه مواريك
وانك نويت تخون واثمن وداعه
ما كان صدقتك ولا جبت طاريك
يا واحد فرق بشملي وباعه
اخذت مني ما يهمك ويكفيك
اخذت كلي صدق ماهو اشاعه



وصيت هلي لاذبحني غلاكم
قدام بيتك بالثرا يدفنوني
ترتاح روحي يوم اجي في ثراكم
وذا وحشتك قلهم يظهروني
هذا الوعد والله يقبل عزاكم
واذا مشيتوا فوق قبري ((اذكروني ))





أشتاق لك شوق الذي خاطره ضاق
من فرقتك والقلب في البعد محروق
لك الوفا مادام لي قلب خفاق
يالله عسى اسمك عن الشر مرفوق

__DEFINE_LIKE_SHARE__