لا ردج الله شلة محد بن رحمه طرررررر......

[ساحر القلوب]

السلام عليكم ورحمة الله وبركاته

يايب لكم قصيده لشاعر الكبير محمد بورحمه ....والقصيده واقعيه

تقول القصه انه هو كان يحب وحده وكانوا يحبون بعض فتره طويله يعني عشره عمر .... (سنتين مب يومين) (( وهو كان صادق بحبه )) ... وصاحبنا بعد ما قدم لطلب وظيفه في كليه الشرطه وبعد ما القبول طبعا يدخلونه دوره التخرج (( او مثل ما يسمونه )) طبعا في الدوره ممنوع انه يتصل اي مكان وبس يعطونه اجازه يومين وهو على طول من يطلع اجازه على طول يتصل ويحاتي بس اخر شي اكتشف انها اتخونه واترمس غيره يوم يكون في الدوام ........................... وانتو اقراا الشعر وبتعرف شو حجم القهر والبركان الي في قلبه ....


وهااااااااااااااااااى الشله بصوت الشاعر
777
77
7

4shared.com - online file sharing and storage - download ظ„ط§ ط±ط¯ط¬ ط§ظ„ظ„ظ‡.mp3




لاردج الله لا ولا اطـلـب تـرديــن****** ادعـي عـلـيج ابـعـثرة فـي صـلات
عــثـرة تـشلـج ما بعـدها تـقـومــــين****** ياللي نقضتي عـهودنا الماضـيات
خـدان لـج بالــقـلب كانـت بـسـاتـيـن****** وريـضان و غـصون بـهايا نعات
كـانـت تروح الـروح ساعة تروحين****** واتـعـافـى نـفسي شربها والـمقات
وكنتي منات الـقلب والروح والعـيـن****** والـيـوم عـيـنـج يـعـلـها مـا تـبات
كـنـت احـسبج للعهد والحب توفـيــن****** قلتي الغدر في الحب ماهو سوات
وبان الغـدر سمن جــرى بـشرايــين****** الله عــسـى يـسقـيـج سـم الـفـعــات
كـلي سـقيـتج حــب والـيوم تـنسـيــن****** اتـقـولـيـن حـلـم أيـام والـيـوم فــات
وخـذتي الهوى لـعـبة على ما تحبـين****** إلـيـن عـصـفـت بالهوى عاصـفات
وصرتي بشعري فـالعذارى تباهــين****** اتقولين انا شمس العصر في حلات
وبشـعر صورتــج خـزام ورياحـيــن****** واثريج هضاب وشوك مابه هـدات
وبـشعـر غـليـتـج عـلى كـل غـالـيــن****** واثـرج دنــيـة تـتـبـعـيـن الـدنـــات
رسمتـج سـحابــة خـير قـطرة تنفين****** فزت لج الصحرة زهورو ونــبات
رسـمـتـــج مـهـاة للـجميـله تـقـوديـن******واثـريـج خروف ضيعتها الـرعـات
اتـوسـلـت لــج عـلـــى حـب عامـيـن******عـامـيـن لـكـن فـي حـسابـي مــئـات
ناديـت لـكـن لــي ابـد مـا تـسمـعـيــن******عـمري وروحي والفكر في شـتـات
خـنـتـي وبـعـتـي كـل عــهـد ويـمـيـن****** ما عـد يـفـرق بـين ماضي وعــات
وصرتي مثل غيرج ابرخصن تبيعين******يا مـرخـصـتـني ما بقى لج غـلات
تـحسـبـيـن انـج بـالـمهـافات تـرقــيـن****** كـيـف الـصعـود يـكـون للـهاويـات
والنوق من تخـرس فـلا يـفيد تـمـرين****** مايفيدها قـلص و ضرب العصـات
ومع ناقـة خرسى تـكــلفـت سـنـتـيـن****** فـلا لانـت بـالـشـدة ولا بـالـهــدات
سبوع اف دوامي ولا اي غير يومـين******ويـوم اوصـل الـدار اتصل واحـات
صـبري نـفذ والـيـوم ثـارت براكـيــن******مـضلـوم انـا وبـاجـر تحل دعـوات
سـمعي عـسى مـن بـعدها ما تسمعيـن******سمعي دعاه من صار قلبه حـصات
عـسـاج عـوقـن مـنـها مـا عاد تـبريـن******عـوقـن تـشـافـى له قـلوب الـعـدات
ادعي عسى من نـاظرج ما تـشوفـيــن****** وتـطـحن بج الايام طحن الرحـات
ويالله عـسى يـحـتـار فيـج المداويـيــن****** تـبـيـن المـمات ولايـجــيج الممات

ويالله عـسى كف الـندامـة تـعـضــيــن****** تـنـدميـن يـوم انـه يـفــوت الفوات
وتـبـكين دمي يـسيـل من مـقله الـعيـن****** ويـحـتار قـلبـج مـن عــناج وتعات
وعسى ما تلاقين من له القلب تهديــن****** وانهو حصل ادعي عـساج الشتات
يـا بـلـوة اللي وصـت بـيته تـعيـشيــــن****** غـافـي وحـوله شب جمرة الغضات
عـسـى بـعـمـرج سـاعة مـا تـهنــيــــن****** وتـمـضـي حـيـاتـج بين هم وشقات
يـا بـنـت, قـلبـي ويـن مـثـلـه تــلاقــيـن****** قلب عطاج الحـب مــا قــال هــات
يـيـتــج وروحــي شـلـتـها لـج ابـكـفـين****** وفـالـتـالـية رمـح الـخـيانـه جـزات
يالله عـســاج الـنـار يـــا ام ويـــهــيــن****** كـلـن كـشـف لا مـا تـفـيـد الـعــبات
يـالله عــسـى تــلـبسـج جـن وشـياطـين****** واتـكـونـين مـدعـاه الحكي والشمات
والله مـا نـي مـنـتــظر قـلـبـج أيـليـــيـن****** والمـجـبـلات اكـثـر مـن الـفايـتـات
ومـا عـاد تـيـــت بـعـضـعـون المـقـفين****** ريـح تـشـل ضـعـونـج الـمـقـفـيـات
يا لـيـل تـلضــل مـا عـلى الله تـزولــين****** وتـاتـي الـلـيالـي سـعـدنا مـشـرقـات
ويا حـيـة رقــطـة تـــقــود الثـعابــــيـن****** باجـر تـحـل ِ أيـامـج الـمـعــتـمــات
ياضـالـمة نـفسـج ترى الـدهـر يومــين****** يـوم النجـى ويــوم مـا بـه الـنجـات
بـيـني وبـيـنـج تـحـكـم ايام واســنـيـــن****** وانـا شـاهدي قلبـن من الغـــدرمات
لو كان عذرج في كـفوف الـموازيــــن****** لـكـان ربـح كـل غـدر الـبــــــــنات

ويـا دمعـة الـتـمـسـاح لالا تــذرفـيــــن****** الـعـيـون رغـم دمـوعـهـا كـاذبــات
لاما عـرفـتـي الـحـب لا ما تـحــسيـــن****** وغـدرج تـعـدى غـدر ذيـب الفـلات
الـذيـب يــعوي قــبل يــغـدر ابمسكـيـن****** وانتي غـدرتي خافـقـي فـي ســبات
وانتي السبب سقتي على القلب جرحين****** غدر الـغـرام ومـوجـع الـذكـريــــات
وانـتـي السـبـب واليوم لالا تـلــومـيــن****** وان يـاج باجـر شـوفي اشــلون يـات
والله لا اكـتـب وافـضحج في دواويـــن****** وارزف واغـنـي يـوم خـبـر الـوفـات
وارسـم لاهـل الـعـشق قـلبن وسهميــن****** وقـصـة خـيـانـه مـا روتـهـا الـروات
ويمـين لانـشر فـوق اسـمـج عــناويــن****** واشهرج من قاصي اليمن لي الفرات
ومن غرب هالدنيا الى قاصي الصـيـن****** ديـــــوان غـــدرن فـي كــل الـلـغـات
والـبـادي اظـلـم سـنـه الـعيـن بالـعـيــن****** ولا فــهـذي لا عــادتــي ولا صـفـات
ويـا شـبه انـسانـه ابـراسـن ورجـلـيــن****** اعـوذ بـالـرحـمـن مـنـج فـي صـلاتي



ويالله اتريا ردودكم وتعليقاتكم الطيبه __DEFINE_LIKE_SHARE__