فزعتكم يا اهل البحر

[محروم.كوم]

يسعدلي صباحكم/مسائكم اخواني المكشاتيه

طبعاً قبل لا أبدى موضوعي احب اقول اني اخذتلي جوله على القسم هنا
ومشالله تبارك الله الشباب اللي هنا ما يمزحون في الصيد يعني محترفين من جد مشالله عليهم

وهالشي خلاني اكتب موضوعي هذا وانا مستحي >> من جد
لان موقفي الان مثل اللي داخل ارضيه الملعب في نهائي كاس العالم ويقولهم: (علموني كيف ألعب كورة ؟)

لذا يا طويلين العمر بغيت فزعتكم -وصبركم- في كم سؤال وكم نصيحه

طبعاً كلامي هنا كله عن الصيد من الشط وليس بواسطه الطراد أو البوت وما شابه

وسالفتي كالتالي:

أنا واحد احب شي اسمه صيد البحر أو (الحداق)...مع اني ولا مره في حياتي مسكت خيط !!!

امنيتي اتعلم هالشغله لكن ما حولك أحد اخوياي كلهم يصيدون لكن مشالله عليهم كل واحد أنذل من الثاني ولله الحمد

لذا قررت التالي:

1- سوف أتعلم الصيد بنفسي ومنّه الله ولا منّه عباده >> وبعدين مافي أحد تعلم الصيد في يوم وليله !!

2- باشتري عدتي بنفسي وما راح اضطر اطلب من أحد عدته الخاصه

وهنا اطلبكم معلومات عن افضل مقاسات لعده الصيد

- مقاس الصنارة (سمعت ان مترين ونص طيبه+مكينه4بيرنغات)
- مقاسات الخيوط+الميادير+الثقالات+اي عدد أخرى ممكن أحتاجها

بس الله لا يهينكم ملاحظه بسيطه:
صحيح اني مبتدئ لكن ما ودي بعده أم 50 ريال وفي نفس الوقت ما ابغا أم 3000 ريال

يعني ابغا عدة طيبه بحيث اني لما اتعلم الشغله مضبوط تكون مناسبه وما احس انها اقل من المستوى

على كلام واحد من الشباب ان العده كلهاما راح تتجاوز ال350 ريال شامله كل شي (صحيح ولا لا ؟)

3- ابغا اعرف افضل مكان للصيد في الخبر من على الشط يعني بدون ابوات

راح أبدى أول طلعه لي بإذن الله في منطقه سمعت الشباب يقولون انها طيبه للصيد

وهي منطقه في الهافمون تبعد عن قريه العزيزيه حدود 42 كيلو (قريبه من محطه القريه لشركه الكهرباء )

ما أدري اذا احد يعرفها يعطينا رايه فيها والي عنده مكان ازين الله لا يهينه ينورنا فيه

أدري طولت عليكم وغثيتكم بكثر الطلبات
بس فيكم الخير والبركه باذن الله وما راح تقصرون معي

وابشروا باول سمكه اصيدها في حياتي راح انزل صورتها في المنتدى >>> راح تصير بمثابه فضيحه وسط صيادين محترفين مثلكم-مشالله-

بانتظار ردودكم الطيبه واعذرونا على الإطاله

أخوكم
ناصر

__DEFINE_LIKE_SHARE__