صمت الاقـلام

[شاعرالدمعه]

للريح ابا احكي / للورق صمت الاقـلام=والصبـر زادي / لا تـزايـل يقيـنـي
وللموت ابا احلم / وش بقا غير الاحلام؟=ياحلـم وينـك / تقتـل اليـاس فينـي
تبني على شط الامل / قصـر الاوهـام=او جمَـل وجيـه الحقايـق/ بعيـنـي
خذني عن الواقع / تـرا كلَـي حطـام=ماصافحـت بيـض الليالـي / يمينـي
ان سرَني يـوم /تشفَـت بـي اعـوام=وان قام حظـي /قصَـرت بـي يدينـي
في ضعفي اقسى / من مساءات الايتـام=وفي قوَتي / ضعـف البشـر يعترينـي
امشي على درب / حفت فيـه الاقـدام=واشـوف موتـي / بآخـره يحترينـي

ان جيت اعـوَد / قالـت خطـاي قـدَام=وان جيت اباقف / هرولت بـي سنينـي
واثري / سهيت بضحكتي بيـن الايـام=حتى لقيت اللـي / كتـب فـي جبينـي

__DEFINE_LIKE_SHARE__