قصــــيدة الـ هــــجــــــر

[محروم.كوم]

الله و اكبرماكثر الهجر والصد *** وش سبب الهجران من عقب وده


انكان عن عهدِ مضى منه مرتد*** يا ربي انا العون منك استمده

ماهو مليح منك يا باهي الخد *** اللي عطااك الود تعطيه ضده

يا زين عفنـا كثرة الجزر والمد *** لازم نوقف كل شي لحده

انتبه تشد الحبل والحبل منشد *** لو انقطع ترااه من قو شده

وشلكت درب يريش العين منسد *** امآ تراجع عنه ولا تعده

منته على هالدرب يازبن منحد *** دور وتلقى مايسدك مسده

ارجع مادام الدرب دونك مهد *** اخير لك من طربك الي تقده

والحاجز الي صار بالوسط ينهد *** ارجوك ساعدني وحنى نهده

منته بعارف مايخبي لك الغد *** والي يجيك من القدر ما ترده

وان كان ما للهجر يازين من بد *** اخذ احسابك كاملً وعده

مع تحياات {{ الشاعر ماجد مشيخص المطيري}}

هذي مشاركه بسيطه مني اليكم اهداء الى منتدى المكشاات {{عســــى انت تحووض على رضااكــك}}

{{{ والجاي اكثر }}} __DEFINE_LIKE_SHARE__