نوبات صدات الخوي تاخذ شهور 0000000 ما كنها الا سنين طال انتظاره

[محروم.كوم]

نوبات صدات الخوي تاخذ شهور=ما كنها الا سنين طال انتظاره
وين الرفيق اللي على البال محفور=باقي كما النقش بصليب الحجاره
لكنها الغيبات يطفى بها النور=ما تقرا فيها الذكرى يا كود تاره
يمسى بها الفانوس بالليل مكسور=ما يبقى غير احساس تنحاس ناره
ماح الزمان برفقتن حولها دهور=ما تملا للعطشان قاع الغضاره
قليب غدار وثعيلب وشحرور=والفار وجرذي سارحن للخفاره
من يبني الطينه على راس عنقور=في موسم الامطار يلقى الخساره
ما تيبس اركانه على جو ممطور=اكيد بالوابل يحين انهياره

ما قيل شرياص الخلا خاوا قارور=ولا قيل حوت الما سكن في سماره
ولا خبرنا الصيرمي يرفض الشور=يسير للعدلات حسن اختياره
الطيب غالي واللي غلاه مندور=لو هو وفيرن بالملا راح كاره
اليا الملا كل واحدن صار منعور=اجل على ويش الثمن والنداره
ما قيل نادر للصباري وعصفور=ولا قيل بوم الليل عالي وقاره
طير العوالي بالخلا نسله صقور=والا الحباري جت عليها صغاره
ما خبرت الضبان جابت صقنقور=ولا باضت الحيه لوالي محاره
واليا لقيت النار لو دونها سور=حذراي اقصاها يطولك شراره
ولا تيقن بصيد الخلا لو هو مخبور=الا اذا بان النهار بحماره
من سار بالظلما على الشوك بالقور=ولا عليه سبوت تايه قراره
ما كل مخطي بالمخاليق معذور=الا اذا كان العذر بالصداره
يا كثر ما ندمح تخاليف واشرور=وانسايس الايام عند القشاره
ولاصحابنا نصبر على طايش الجور=ترا الرفيق احيان ينثر مراره
مير الصبر في بعض الاوقات له دور=ومن لا صبر بالغيض يخلف مساره
هذي حقيقه ما بها لهجة الزور=والطيب ياضح بالعسايم شعاره

يوسف الخليفة ( أبو عبد الله )

__DEFINE_LIKE_SHARE__