دنياك لو تسوى من الحزن ذره.. مـٍا كـٍان تاليـها توابيـٍت وقبـٍور ..!!

[~» مـآ غرنـﮱ مْــزيِـــﯛטּ ™,]

قبل كل شي

اتمنى تقرونها كامله و تتأملون معانيها

خصوصاً الشباب أحس ان فيها معاني كثيره لهم



لا ضاق صدرك عالي الصوت جره
لو كان قلبك ما يطاوعك مسرور

دنياك لو تسوى من الحزن ذره

ما كان تاليها توابيت وقبور

وما كان للكافر بعمره مسره
وما شفت في ملكه ملايين وقصور

العمر يمضي بين حلوه ومره
والموت حق وقابض الروح مأمور

دام الحياه الفانية مستقره
ورزقك يجيك وبين الأجواد مستور

لا تنشغل بالوقت برده وحره
واحذر تصير بقسمة الناس مقهور

وحكم القدر لاجاك خيره وشره
أشكر عظيم الشان والذنب مغفور

والمجلس اللي يزعجك لا تمره
خله تراك بشوفته منت مجبور

والرجل سقها في صحاصيح بره
ومد النظر ما بين ريضان وزهور

لا صار وجه القاع ما فيه جره
والمشي حافي والثرى تو ممطور

ساعات صمتٍ ما وراها مضره
تسوى الكلام اللي به اذنوب وأشرور

أطلق خيالك وأترك النفس حره
وخل الطبيعه في حياتك لها دور

وبالليل لا بانت نجوم المجره
أذكر بديع الخلق بحساس وشعور

واسجد لرب الكون مره ومره
وأحفظ لسانك وأترك الكذب والزور

وفروض ربك خلها مستمره
وطاعتك لا يدخل بها نقص وقصور




للشاعر : عزاي الحربي __DEFINE_LIKE_SHARE__