فزعتكم ياراعين الجكوس والشفر

[محروم.كوم]

السلام عليكم ورحمة الله وبركاته

اخواني الكرام قبل تقريبا شهر من الان رحت للبر بسيارتي التاهو موديل 99 دبل
وجاني غراز وتعلق الموتر فيه صار مايمشي لادبل ثقيل ولاخفيف نافع المهم نزلت من السيارة
ابغا ابرح لها وانسم الكفرات وفجأة ومن غير مقدمات طفت السيارة حاولت اشغلها مافيه فايده الى
فضت البطاريه فزع لي ولد عمي وسحب الموتر من الغراز وسحبني الى الورشه صاحب الورشه
شحن البطاريه وحاول يشغل نفس الشيء شيك طرمبة البنزين لقاها تحقن بنزين يعني كويسه
بعد كذا فتح غطا صغير في ماصورة مثل ماصورة تشييك الفريون وشيك لقاها ماتجيب بنزين قال هذي
الطرمبه نزل التانكي وفتح الطرمبه حصل ماسوره منكسره وجبنا له طرمبه جديده وركبناها اشتغل الموتر

المشكله مو في الكلام هذا المشكله انه بعد مااشتغلت السياره صرت أول ماأعشق القير يصير فيه نتعه قويه
سواء قدام او ريوس وصرت اذا مشيت نفس الشيء اول تبديله ينتع بقوه لكن مو على طول بعض المرات
وبعض المرات اذا استمريت بالمشي مثل اللي ينتع أو كأن شيء يسحب الموتر ورا بقوه مثل
النتعه تقريبا شيكت كمبيوتر عند ترايستار قال لي منظم دخول الهواء إلى المكينه خربان المنظم هذا
اللي لونه اسود مستطيل الشكل ويجي راكب في ماصورة القربه قريب عند فلتر الهواء وقال لي
فيه حساس عند الديلكو احتمال بعد يكون منه طلعت من عندهم رحت باخذ المنظم هذا لقيت سعره
خمسمائة ريال وماشريته غيرت زيت وفلتر ونفس الشيء مااستفدت ، المهندس اللي في ترايستار طلع عيار
زيت القير وشمه قال لي هذا ريحته محترق احتمال فيه خراب داخل القير لكن انت روح اول غير
اللي قال الكمبيوتر انه خربان اللي هو المنظم حق الهواء والحساس اللي جنب الديلكو ويمكن يصلح
أنا ماغيرتهم والحين طالب فزعتكم اذا احد مرت عليه هالمشكله من أول أو يعرف يحلها لايبخل علي
والله يوفقه ان شاء الله دنيا وآخره ومايشوف مكروه لا في عياله ولا سيارته

__DEFINE_LIKE_SHARE__