معلومات عن الشوزن التركيه Akm

[محروم.كوم]

السلام عليكم
موضوعي بخصوص الشوزن التركيه akm

انا شريتها تقريبا قبل سنتين طبعا اول سنه كانت ممتازه والدليل اني كنت ارمي فيها قرام 40 و 36 * وبعد سنه من الاستعمال العنيف
طلعت الشوزن على حقيقتها وبدت الاعطال واول عطل صادفته هو انكسار النتاش * وللمعلوميه انكسر ثلاث مرات وقبل اسبوع تقريبا ركبت لها واحد جديد ولما جيت اركبه تفاجأت بأن قطعه اللي تحت من الماكينه مكسوره وركبت جديده وبكره ان شاء الله بطلع اجربها
واللي يبي ياخذ له وحده ياخذ ما فيه مشكله بس اذا يبي نصيحتي لا يرمي اكثر من 36 مع العلم ان 36 قوي عليها بعد والدليل ان السبطانه من كثر الرمي تحتر وفيه مره لسعتني .

مع هذا كله للحين محتفظ فيها لان الشوزن بصراحه رميها حلو وانا مركب لها تشوك 4 انش وارمي فيه حمام فاخت طيار بفشق 32 رقم 1 و 6 من مسافات حلوه وتطرحهم .


وفي النهايه اللي يبي شوزن كد ومد ياخذ له بنلي واكبر دليل على ان البنلي اعطالها نادره عند خالي وحده ما شاء الله عليها من عشر سنين يرمي فيها ما اشتكى منها واللي صدمني اكثر يقول ما اذكر في يوم فككتها ونظفتها وش تبون اكثر من كذا واللي عنده سوبر بلاك ايقل 1 وطول السبطانه 28 انش . __DEFINE_LIKE_SHARE__