المقناص ~أجمل حدث منذ رحيل الغالي~

[,,SwaN}~]

السلام عليكم ورحمة الله وبركاته

,
,

في البداية أوجه شكري الجزيل لمدير منتدانا محروم

اللذي أثبت بالفعل أصالة هذا المكان وفكر راعيه!

أثلجت صدورنا بهالاختيار الموفق يا محروم

,
,

فعلا هذي البرامج الطيبة اللي لازم الكل يثابر على متابعت مثيلاتها

برنامج بالفعل نجح من اول حلقه

كفايه انه من غير ما نشوف اي دعايه ولا يكون لنا علم مسبق ببث البرنامج

انه كل افراد العايلة بلا استثناء تحلقت حول التلفزون بكل لهفه وشوق عشان نشوف ونسمع الراحل الغالي

ابونا الشيخ زايد الله يرحمه ويطيب ثراه

,
,

انتابع بكل شوق وفي كل ثانيه حد منا يقول الآه..

الحمد الله على كل حال ولكن ايام الشيبة لا يمكن تعود .. ايام زايد.. ايام الخير كله والسلام والجود والاصاله

,
,

نشكرك يا محروم على هالاختيار الموفق واللي ان دل على شي يدل على فكر واعي وصائب

وهذا اللي تعلمناه من ابونا الشيخ زايد

,
,

اللي يعور القلب انه تقريبا انمحت سيرة الشيخ زايد من الاعلام!!

هذا شي مريع والله .. بالفعل الاعلام مقصر في هالناحيه وايد

الله يطول بعمر الشيخ خليفه ويجعله خير خلف لخير سلف

ولكن احس انه في تهاون في سيرة الشيخ زايد

لازم الجيل اليديد اللي انحرم من معاصرة زمن الشيخ زايد يكون عنده الخلفية الوافية عن هالانسان العظيم

وكيف بنحقق هالشي اذا كان الاعلام ميت وسلبي من هذي الناحيه؟؟!!

والله هالقضية كنت ابا اطرحها من زمان للنقاش ولكن المشاغل لهتنا شوي والفكر مشوش

بس يتم ذكر زايد في قلوبنا عامر وموجود لو يفنى الزمن والعمر كله بتظل سيرة زايد تفوح بالطيب في كل مكان

,
,

ارد اشكر اخويه محروم وفعلا اثلجت صدورنا ورفعت راسنا بهالاختيار الموفق يا مديرنا

واشد على يد كل اخواني وخواتي انه يتابعون هالبرنامج ويسمعون رمسة ابونا الراحل الله يرحمه

ويستفيدون منها .. وربيه كلامه درر وما ينمل منه..

فعلا كان انسان متقد فكره بالحكمه والقيم والاصاله والذكاء الفذ


,

,

ما بطول عليكم بس بغيت اقول هالكلمة احتفالا بالحدث العظيم في المنتدى

ما تتخيلون فرحتيه بهالاستراحه اللي هي فعلا بتكون مصدر فخر فعلي للمنتدى وكل اعضاءه

,

,

تقبلوا مني تحياتي المتواضعه

وحبي وولائي للراحل اللي عمره ما رحل عن قلوبنا

بويه زايد الله يرحمه ويغمد روحه الجنه

فديت ايامك يا ابويه زايد





وفي النهاية اعلن انا شخصيا ورسميا

اشتراكي وبقوة في هالاستراحه

وبحاول اني على قد ما اقدر اشارك فيها ولو باي شي بسيط

واقبلوا مني هالكلمه كاول اشتراك لي

=) __DEFINE_LIKE_SHARE__