ترانين الشعر يا مستشعرين

[كويتي]

ترانيم الشعر يالهواة ويالشعار ويالمستشعرين (الذيب + المعرفي)

هذي مساجله شعريه بين الشاعر الكبير محمد بن الذيب من دولة قطر الحبيبه
مع الشاعر الحديث الظهور بس كبير التواجد محمد معرفي من دولة الكويت


الشاعر المتمكن الشاعر المتميز الشاعر الذي يجبرك على قرائة نصه الشعري مره ومرتين الشاعر الذي ارهب الشعر والشعراء .. الشاعر الذي يحسب له الف حساب .. الشاعر\ محمد بن راشد بن الذيب

ينافسه زميل له اخر .. ظهر في الساحه الشعبيه واثبت وجوده بين الشعراء الشباب بقوه .. انه الشاعر المتالق دائما والمميز الذي يكتب بكل شفافيه .. ويكتب باحساس صادق انه الشاعر\ محمد عبد اللطيف معرفي ..

هذه المقدمه كتبتها في شاعرين يستحقون اكثر من ذلك .. ولكن منافستهم وتحدياتهم الشعريه .. لاندري ماهي نهايتها .. هل هي مصيده لبعض الشعراء كما يعتقد البعض .. ام هل هي حقيقه وبدايه النهايه بين الشاعرين .. هذه قصيدتين من قصائدهم المميزه والتي فيها نوع من الغموض نوع ماء .. وفيها من التهديد بعض الشي .. قد بداها الشاعر محمد بن الذيب .. مبيننا مايخفى عن البعض من اسرار زميله الشعريه ... وقد تصدى لها الشاعر محمد معرفي .. بالمثل .. واشهر سيفه في وجه من اتهمه بقلة المعرفه ..


القصيده الاولى للشاعر \ محمد بن الذيب ..... ويقول فيها




ظروفنا ماتستحي وايامنا ماهيب ريف = والأرض من كثر القحط ماعاد شفت اعلافها
وحقي على البيت القوي ماهو على البيت الضعيف = وإلى بغيت أدمدم الجمه على غرافها
خليت شمس العشق مركونه على حد الرصيف = الخطه المحبوكه تحقق جميع اهدافها
يا اهل الثنائيات مضمون الثنائه سخيف= أنا لحالي أحكم الدفه مع مجدافها
والمعرفي (شرطي) وخاواني ورقيته (عريف) = لكن تجهله العلوم ارباعها وانصافها
يبغى يسوي مع جنابي بهرجه وانا مخيف = وهو الى شاف الدروب المستحيله خافها
والمختلف مجلة الجمهور والشعر النظيف = ماهي غريبة لالقيتو صورتي في غلافها
بس الغريبة يوم مريت الحساء ياهل القطيف = تذكرت عيني مدامعها على مشرافها
واليوم مابه عذر يوم ارقاك يالضلع المنيف = الا اني اتعب ارجولي من كثر وقافها
واكثر مشاريه الشجر عليك يافصل الخريف = هتكت ستر غصونها واسرفت في كلافها
انا جويع وجوعي مواصل ماهو قطعة رغيف = وعيني من الفرقا حداها الهم عن محرافها
والعفو عند المقدره صوره من الحب العفيف = هذا كلام اللي قطار العمر كله طافها
اخذت فـ أبها شهر كامل يسمونه مصيف = والشمس تحجبها السحابه والرعود خلافها
وعينت صاحبة الشداد اللي تمناها الرديف = (ضيدان) قبلي شافها و(الهاجري) قد شافها
لكنها استثنتني وروتني اللي مايشيف = واخذت ثار اسلافي الغابر بظلم اسلافها
الفرصه اللي كنها البراق في عرض القنيف = لقمة غني مدها على فقير وعافها
ونا طموحي للثقيل من الجواهر يالخفيف = ماني بأدور عملة ماينعرف صرافها
يانحرها وش قصة الارداف والخصر النحيف = قدام اموت فـ حظنها ولا انتحر فـ اكتافها
لايبرد الفنجال وابلشها مثل بلشة حنيف = واخذ بدل خمس عشر فنجال بعض اطرافها
لو انها حمامة الولهان ياودي ثقيف = ماطاحت دموعي على خدي بعد رفرافها
لكن ياقصر الضيافه ماتقصر في المضيف = دامك تضم من النفوس اثقالها واخفافها
لا ياعنيفه هدي اللعبه ترا الهجر العنيف = ماهوب جزء من تقاليد العرب واعرافها
يابنت حواء عذري اللهفه لو امتد النزيف = استلطف جروحك ويستهويني استلطافها
وانا من الجنس الخشن وانتي من الجنس اللطيف = ومشاعري باحاداها واعشارها والافها
تصرخ غلا محتاجلك محتاجلك يااغلى وليف = والنفس فطرتها ترجعها على ميلافها
واشتاق لك شوق المسافر من بلاده للنكيف = لو اتحداها من السنين الممحلات أعجافها
الموت من فرقاك مثل الموت بالسيف الرهيف = والعمر واحد والنهايه واحده باصنافها
ماعاد عندي شي أقوله بس بأنوه وأضيف = إلى لقيتي صورتي في المختلف واغلافها
تغطرسي مثل القمر عالي وقولي للرصيف = الشمس تحجبها السحابه والرعود خلافها


محمد بن الذيب العجمي



القصيده الثانيه للشاعر \ محمد معرفي .... ويقول فيها



الواحد الله لاشريك له وبا الله نستعين =والنفس وماتكسب رهينة طيشها واحسانها
واحب خلق الله اليه المذنبين التايبين = يوم عرفو حق الامور وطلقو بهتانها
واسلامنا دين الهدى والعاقبة للمتقين = ولا المسيحي واليهودي ضيعو ميزانها
والدين وصى بطاعة الله والنبي والوالدين = وصية والبعض يتجرا على عصيانها
ماهمنا كل من يفرق بين صف المسلمين = لان القلوب المطمئنه صادقة بايمانها
محبوبتي يامن خذت من عمري ايام وسنين = اقري قصايد صغتها لك تختلف بالحانها
يافاتنه ياملهمه ياحب ياشوق وحنين = ياعاشقه كل الدروب تجيبني لاوطانها

ياجنة في الارض ياروعه لكل الناظرين = يامن عشق قلبي موانيها على شطانها
كانك تبين انك تكوني شاعره لا تكتبين = سوي مثل ماسوت اللي تدفع لقيفانها

أستاذنك .. عندي رسالة شعر للمستشعرين = من هم يضنوني وحيد وضعت في ميدانها
ياقاعدة (فرق تسد) ياشلة المستهزئين= الارض ماترحم ليا من ثورت بركانها
ويا أهل العلوم النادره قولو لكل العابثين = إن كان تبغون الريادة هذا هو ديوانها
اغرب حوادث هالشعر من يعتبر نفسه فطين = والأغرب انه قام يتفلسف على عربانها
عميانها بالفكر ظنو علمهم علمٍ ثمين = الله يعين الساحه اليا فتحو عميانها
من يقبل الفتنه ويقتنع في كلام الاخرين = لابد يقبل ماتجيب الفتنه وطوفانها
موسوعة الفكر الردي ماورثوها الاولين = والتافه يفضل قرائتها على حقرانها
والناس من بعض القصايد يالهواوي مكتفين = والبعض مايقرا من اشعارك سوى عنوانها
وإلا الحسد ماله دوا بنفوس كل الحاقدين = أهل النميمه والفشل شلة ولا احد عانها
طبعي أحب الرجل يتعب له على دنيا ودين = أهل المخابر ماهم أهل المصلحه واثمانها
وأنا أشهد ان المختلف درب النجوم ولا يهين = اللي بناها لين ماقوى بها عمدانها
(وضيدان بن منصور ) شاعر له من الشعر السمين = وعشقي لها الساحه من اسبابه شعر ضيدانها
والهاجري عملاق شعر وصاحب الشعر الرزين = والساحه اللي تفتخر فيما كتب سلطانها
واقسم وحق اللي جعلني ليث يتسيد عرين = اني انا في وسطها ماني ورا بيبانها
رجلٍ ويبغى صيدة له من ورى سد حصين = كأنه قوي البأس مارده سوى نيشانها
والموعد الفاصل قريب ومنتظر حتى يحين = حتى يعرف فلانها وش يقصد بـ علانها
ومحمد بن الذيب شعره لايزين ولا يشين = وانا تمنيت الثنائيه .. مع فرسانها
وان كان قصده بالثنائيه ادور لي عوين = الايام تكشف من طمع فيها ويجي برهانها
ماوجه الابيات يعني في العلاقه مستهين = ولا يخاف من الردود اليا اشعلت نيرانها
لاياخذه بعض الحكي ويهزه ابليس اللعين = وهو اكبر من انه تضيع بيوته بشيطانها
حضرة جنابه لو خذا مما كتب لي جملتين = يمكن يعرف ان العلاقه خانها من خانها
وان كان يضمر حاجة في القلب .؟ او قصده كمين = أبقى خوي يقدر خوته واركانها
والشعر ماني وارثه لكن له العلم اليقين = ابياتي اليا قلتها ما ينهدم بنيانها
مالي ومال .. الربع وإلأ النصف ؟ دام العارفين = ماتنحني هاماتهم لمدورة نقصانها
وان كنت جاهل بالشعر ؟ ما اجهل علوم الطيبين = أهل الشهامه .. والكرم.. والدله وفنجانها
والحق حق وباقي له ايام ويبين = وبكره تجيه من الامور اشكالها والوانها
واللعبه اللي ماتساوي في عيوني حبتين = مالي بها لو كان غيري ضمته جنحانها
وصلت (للخمسه) ولا عاد التفت ( للنجمتين) = وماهمني كل من يحاول بالشعر نكرانها
ياشمس شعري لانويتي تسطعين بتسطعين = في رحلة ماتقبل الا المعرفي ربانها
محبوبتي يامن خذت من عمري ايام وسنين = هذي قصيده صغتها لك رددي الحانها
والمعذره لاني تجاهلت الهوى لاتزعلين = بعض الاوادم تستحق اني اوضح شانها


محمد عبد اللطيف معرفي


اتمنى ان تحوز على رضاكم .... وعلى رضا ذائقتكم

تحياتي لكم جميعا

عجبتني


فلطشتها لسواد عيونكم

وخص كم بيت بلونهم عجبني طرحهم لها لبعض وللعامه كلمات شدتني مادري ليش ! يمكن أجد السبب عندكم

__DEFINE_LIKE_SHARE__