تذكـرون ..يآويـل حآلي*’ دشوآ

[مزيون المناصير]

السلام عــليكم والرحمه الله وبركــآآته

خششششمكم من بعــيد><

شحــآآلكم شخــبـآآركم ربـــكم الا بخــير ويـعلكم الا بــخـير وسهــآله..ومـآتشجون بــآآس..

اقوووولكم اليووم ياايبلكم طــرح طـــر والله عــيب آآيــآم قــبل

اطــآلعوو الــطـرح..^_* هع





تذكرون.. يوم إيّيك واحد ماصخ من العايلة أكبر منك ويقول لك: تبا أرسم لك ساعة وانته تمد له إيدك ويعضّك هذيج العضة اللي تصارخ منها <<واكككك اسميهاا اياام...


تذكرون.. يوم كنا نصوّر فوري عند مصوّر الجمعية وطبعاً غصباً عليك الخلفية زرقاء مب بكيفك ولازم تمشط شعرك بالمشط اللي عنده.. كله شعر.. وبعدين يغسل لك الصورة بالآلة اللي عنده أم ذراع والأطراف مشرشرة ‏ويعطيك الصور بعد أسبوع.


تذكرون.. أول يوم دوام بالمدرسة كانوا يسلمونا الكتب كلهم مع بعض وصافينهم من الكبير إلى الصغير وطبعاً الكبير كتاب العلوم وكانوا يربطونهم بحبل عشان ما يطيحون مع 6 ‏دفاتر مجاناً.


تذكرون.. المعجون الصغير اللي ريحته تعوّر الراس ووياه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة لين تطلع بلاعيمك وياها.


تذكرون.. يوم كنّا نشوف افتح يا سمسم ..ونشتري بسكوت كاكاو ونتم ناكل مثله ويا البسكوت المالح.



تذكرون.. يوم الجمعة ... ‏نقوم من الصبح على شان نسمع أغنية في قصص الشعوب قصائص لا تنتهي
وعالم حلو بهي يسكن في القلوب في قصص الشعوب .



تذكرون.. تيلفون بوقرص اللي يتعب صبوعك وانته تتصل ويا ويلك يطلع الرقم مشغول لأنه ما فيه ريدايل.



تذكرون.. يوم كنا نربط الشرشف على رقابنا مثل سوبرمان ونصعد فوق الكبت وانط على الدواشك وآخر شي ناقز غلط ومنكسرة إيدك.



تذكرون.. يوم كنا نحط بالفريزر العصير الطويل بو نصين او لبن اب عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة.



تذكرون.. يوم كانوا الأولاد يغسلون الحوش بالبروش والصابون قمة الوناسة.. يمسك البروش أونّه بيساعد وآخر شي طايح له سكيتنج على الكاشي والزولية وفي الليل آآزمت ريلك موورمه


تذكرون.. يوم كنا نستقبل الحياي من زود الفرحة واللهفة على الصوغة وآخر شي كم: مسواك وقحفيتين والكاميرا الحمراء وسيادة وللبنات قطعة خام مال الهنود وساعة.<<بس عليكم هع


تذكرون.. يوم كنا نشوف مسرحيات الأطفال مثل السندباد والزرزور وألف باء تاء اللي فيها عبدالرحمن العقل ويوم الحرامي يكون وراه.. نصرخ من قمة راسنا: ورااااااك وراااااااك وهو يقول وينه وينه يميييييين يميييييين....
‏ياعيني على الاستهبال .<<ككككككككك


تذكرون.. عزايم قبل مايحطوون الغداا على كبر الصالة اللي على صورة فوااله ‏وريحتها لازم مثل ريحة المطبخ ويالسين على الزوليه اللي يوم تقوم تلقى ريلك كلها شخوط من الزولية.



تذكرون.. أيام الدراسة قبل يعني يكون بنشد حيلنا بالدراسة ونشتري قلم فسفوري أصفر وإلاّ برتقالي عشان نظلل على الشي المهم وآخر شي مظللين على كل الكتاب.. وين الشي المهم؟؟ ما أدري!!!! الا هوو تشخــيط


تذكرون.. أول ما يسرقون الأولاد سيارة أبوهم كانت الريل اليمين على البترول والريل اليسار على البريك من الثوارة .... ‏ولازم طبعاً يمر على الربع في الفريج يصيّح ويلات عليهم....‏ويعطيه بريك وبترول..<<يــآآعيني ع الشــرده



تذكرون.. يوم كانت جائزة البيبسي سيارة في غطاة الغرشة كنا الظهر نسير وراء الدكان ونبطل الغراش كلها وبعدين نرد نسكرهم أي كلام تشوف الغازات كلها طايرة ومتبخرة ومستوي البيبسي ماي .


تذكرون.. يوم يقول الأستاذ أو المعلمة ان هذي الصفحات ملغية
تعال شوف الشخابيط اللي على الصفحة من فوق لين تحت وإلاّ نطرها من الكتاب.....ينشق الحــلج واكككككك..من تقوول هذا الصفحه محذوووفه هع من اول الصفحه لين آآخــرهـآآ خـــط أأأأحــمر ولا مطررورهـ هع


تذكرون.. يوم نتضارب مع ولد اليران وتقول له: خوز عن بيتنا وعن رصيفنا..
يقول لك: مب رصيفكم هذا رصيف الحكومة
كلام منطقي* ‏ويتم يحوص جدام البيت ويمر جدام ويقول لك ما جستك ما جستك.<<ان شفتك توطوط جدآآم البيت لخـبر عــليك ابووك وخليه يرااويك يااهـرم هع


تذكرون.. .. يوم يسيرون الأولاد السوق ويّا أبوهم يشتري لهم قطع كنادير للعيد ..وآخر شي شاري طاقة كاملة نفس اللون وتشوفهم بأول يوم العيد من الوالد لين الأخو الصغير نفس لون لابسينه كلهم ‏تقول فرقة حــربيه هع


تذكرون.. .. يوم يبغون الشباب يشلون حديد قبل يترسون قواطي النيدو اسمنت ويحطون بينهم بيب حديد وهووووووووب وآخر شي منكسرة ظهورهم.<<الله ع الايــــآم لـي رااحت يااحلاتهـآآ والله ..لــيتهـآآ تعوود والله


تذكرون.. ...يوم نجسف الدواشق ونسويهم خيم...أو ناخذ التكي
ونسويهم بيوت.




واللي ما سوى شي من المذكور فوق بيكون من عيال وجيل ماكدونالدز و هارديز و ايد هاردي.. فاتتكم هاذيك الأيام
عيال هالأيام تلقاه عايش مرحلة وحده بس ألا وهي مرحلة الكبار سيارة وموبايل و حواطه في المولات. ماشاف لا رسوم ولا لعب واهوه صغير..
أول ما يفتح التلفزيون تلقاه يطالع هيفا ونانسي وروبي
وعلى أيامنا قصص عالمية و برامج دينية ومحمد عبدو يغني ليلة خميس
))))))))وجابر جاسم يغني غزيل فله(((((
وبالخير يغني يا علاية لووووووول
والظهر مراكيض الهجن والله أيام
للأسف صار الجيل الجديد بلا
هوية!!!
يويلي كانت أيااام ليتها تعوووود!


هع يلا اشووووف ردووركم وهالله هالله بـ ردوودكم الغـآويه هب تبخــلوون عــليه
والسمووحه ع القصووور..


همسة : إن كنت أستآهل آلتقييم قيٌموني


أخوكمـ ~


مزيون المناصير __DEFINE_LIKE_SHARE__