ارقب سهيل اليماني

[محروم.كوم]

قبل ينقضي ليلي ويشرف على الاصباح=قبل يذن المذن والناس هجاعي
ارقب سهيل اليماني يوم نجمه لاح=والقيض ماهو قيض والجو ذعذاعي
واذكر زمانن عن ايامنا قد راح =وانا على فقده زايد توجاعي
يوم العرب في كل جد سوى ومزاح=تصدق وصدق القول محمود الانفاعي
الله عوين اللي عن المرا مرتاح = ولا سلعته بالدين شاري وبياعي
عن الهموم السابقة دور سبب وانزاح=لد ى خالق الاسباب الواحد الراعي
الله تعالى خالقن العنا والراح=وتبارك الرحمن خالق عقلنا الواعي
لجل نفتكر بالخلق ونغذي الارواح= ونجعل مباديها للرب تنصاعي
كلٍ بها الدنيا غادٍ تحت الاضراح=يصبح دفين اللحد جسمه والاضلاعي
اسمع خويٍ لصالحك دوم لك نصاح= قبل ختمة الاعمال الى من دعا الداعي
الى حل حينك ما لك عنه ابد مرواح =ولا قبلك احدٍ سيق للموت وما طاعي

نظم/عبدالله المهنا النعيمي

__DEFINE_LIKE_SHARE__