خلوها يــ اهل الشعر سعد علوش جديد

[مشاكس دبي]

بسم الله الرحمن الرحيم

السلام عليكم ورحمة الله وبركاته

والسموحة ع القصور حبيت أقدم جديدي وأبي رايكم بادخال اللحن


أفلآطون الشعر { سعد علوش ..~
رآئعه من روآئعهـ "

رآبط للقصيدة بصوت الشآعر


http://www.4shared.com/file/122191835/3d808242/___.html

وهــاي الكلمات



:

خلوها يا اهل الشعر وأخماس الأسداس / قصيدتـي هــذي خطـيـرة مثـيـره

لله وللتـاريـخ ولـكــل هـالـنـاس / ولهالحـيـاة الـزايـلـة والـمـريـره

وأللي مهـوب لـذروة الفكـر عسّـاس / ينظـم لأصحـاب النفـوس الكسـيـره

الله الأول من قـبـل لـفــظ الانـفــاس / عـز وجـل مـن الظنـون الصغـيـره

ما مثـل مثلـه مثـل ولا لـه أجنـاس / يخـلـق مخـلـوقه ولا يستـشـيـره

أذل له وانصـاع لـه وأحنـي الـراس / أللـي جعلنـي مـا اعبـد ربٍ غـيـره

عساه يكسوني مـن السنـدس ألبـاس / في يوم يعـرى بـه الأميـر والأميـرة

شاعر وذنبي غيـر وسكوتـي أجـراس / ونفسـي علـى مالله عطاهـا فقـيـره

من كثر ما أعطي حب واخلاص واحساس / أنا مـا عـاد أعـرف وشلـون أصيـره

في عقلـي الباطـن عقيـده ونومـاس / وفـي واقعـي خـوف وتـردد وحيـره

هل يا ترى ببني علـى حلمـي أسـاس / أم يـا تـرى ببقـى علـى هالوتيـره؟

والافلاس ماهو أفلاس من حلم الافـلاس / إذاك مـا تمـلـك لنفـسـك بصـيـره!

مـا خلـق شـي ٍ إلا بقـدر ومقيـاس / مـا شـي يغلـب شـي أو يستعـيـره

أللي خلق خوف وخلـق ضيقـة ويـاس / خلـق أمـن وأفـراح وحـب وبريـره

لـذلـك الله لا يولـيـنـي أنـجــاس / ويكسونـي بفضلـه ومـنـه وخـيـره

الرب إذا تحتـاج لـه صـرت نبـراس / والإنسان إذا تحتاج لـه صـرت أسيـره

والناس ناتـج نـاس استلطفـوا نـاس / أبنـاء رغبـة واستهـامـه وغـيـره

لولا التلاطف وأللي مـا بيـن الأقـواس / مـا شفـت هالعالـم شفوحـه غفيـره

نـدور ويـدور بنـا كــل هـوجـاس / ومـن أجـل ذلـك روسنـا مستـديـره

الكـل تايـه فـي مصيـره ومحـتـاس / وماهـوب هـو أللـي يحـدد مصيـره

فيا ليت مـا تنسـى الذواليـق غـراس / ومـا ينسـى مجـرى الميـاه وخريـره

أعلم أللي عـاث مـن بعـد مـا جـاس / تـرى الجهـل راس الأمـور الشريـره

وين الملوك أللي على أقبـاب الافـراس / راحـو وخلـو المغـريـات الكبـيـره

هالأرض ياللي يرجـل النـاس تنـداس / بواقـي ابـن داؤد وابــن المغـيـره

الله يلعـن كــل مـشـرك وخـنّـاس / والله يلـعـن هالحـيـاة القـصـيـره

صغـيّـر الادراك وصغـيّـر الـبـاس / يحسب كـل النـاس مثلـه صغـيـره

يا قلـب بـرّد كـل مـا هـب نسنـاس / مـا دام هاليمـنـى نـديـه جـديـره

يفـداك مـن رزقـه قتـات وتـمـرّاس / لـولا رئتينـه مــا طـلـع زفـيـره

شفـاه مـن طـرد المـلـذات يـبّـاس / وهـو علـى عـد الــرواة وغـديـره

حديثـه فمـا قـال حـمـزه فعـبـاس / مـا حـدّث لمسلـم عـن أبـو هريـره

العمر فرحـه وحـده وعشـرة أتعـاس / ومـن لا يجيـره خالقـه مـن يجيـره

ومن عاش شاف وكـل غبـه بغطّـاس / والصـدق خيـرة مذخرتـه الذخـيـره

كل ما اكتشفت من الأصاحيـب بـلاّس / أقـول يالله جـعـل فـالأمـر خـيـره

خيره تعرف إن به من أصحابك اخسـاس / خيـره ولكـن يـا عساهـا الأخـيـره


وبعض البشر مثل ابتسامـات الاعـراس / علـى كثـر ماهـي مثيـره ضـريـره

وحيد ولا عندك مـن النـاس جـلاّس / أخيـر مـن شـر الـكـلام وسعـيـره

والكل ما يخلـو مـن أخبـاث وادنـاس / في كـل نفـس ٍ هنـاك حاجـه حقيـره

فمن قبل لا سوي مشاكـل مـع النـاس / عنـدي مـع نفسـي مشاكـل كثـيـره

__DEFINE_LIKE_SHARE__