خاطره قريتها وعجبتني فحبيت اني انقلها لكم وان شاء الله تعجبكم
عجزت ../
أحدد إحساسي وألم شتاته المنثور..
وأرسم بـ الحروف شعور بات سنين مزعجني..
شعور قاسي طبعه وأنا في قسوته مأسور..
مثل "طعم القهر"
وأكثر بـ ضيمه حيل خانقني..
أبشكي لك أحاسيس تبي تطلع تشوف النور..
مثل طفل يصيح وخاطره مكسور ,,
ولامن شفتك ../
أبي أشكي لك "بعادك" كيف عذبني..
وأبي أسكت ,,
وأسمع لك ,,
وأناظر بـ العيون الحور..
وأبي أسرح مع همسك ,,
الين الهمس "يسحرني"..
أبي أحس بـ وجودك ,,
وأبيك بـ دنيتي كـ النور..
أخاف ../
أن طالت الظلماء ,,
يصير النور " يزعجني"..
أبي لو بس ../
تفهمني ,,
وتعرف ليش أنا "مقهور"..
أحس إني ../
من عنادك أحاسيسي تعاندني ,,
وأحس ../
بـ طيبتي قسوه ترعب "حبي المذعور"..
وتهدم كل أمالي بـ لحظه ثم "تهدمني"..
أبي أرضيك ../
رغم إني أبات وخاطري مكسور ,,
وأبي أرضيك ,,
لو همي من الافراح " يحرمني"..
ولا أبي منك غير ../
أنك تحس بـ " قلبي المدحور " ,,
وتستوعب مدى الحرمان ,,
يوم البعد " قآتلني" ,,
05-04-2008, 03:10 PM
العرض الشجري
