إحـــترمـتِك حِــيل لكـــنِك خـــطيت ...... حياكم .......

[الرهيب القطراوي]

السلام عليكم ورحمة الله وبركاته قصيدة عسى تعجبكم .......

إحـــترمـتِك حِــيل لكـــنِك خـــطيت
والخَــــطا لــو زَاد قَـــــل الإحـــترام

جِـيت أتــفاهَــم معـــك ومـا هقيت
إنَّ قلبك مــا يــرد حــتَّى الســـلام

هذا ونتَ أمس جــارحـني نســـيت
عالقليله خَــل يمــر عـالجَــرح عام

حِـس فـيني قــول مَرَّه ويش بغـيت
آنا شـــاعـر ليـه مـا صِـــرت الهــيام

عنِّـي يامـا فــي مشـــاويرك لهيت
وكِنت أتضــايق ومـا لي اهـــتمـام

مِنِّـك لاَ حَـق ولا بـــاطِــل خـــذيـت
أصحَى مِن جَرحٍ اوعــلى جَرحٍ أنام

كــم تكـلمت ولكــنَ مــاســتحيت
قِمت عَنِّي تسلك ادروب الخــصام

يـا حبــيبي تـــونِــي اللِّـــيله دريت
إنَّ قـلـبك يِـجــهَل آداب الــكـــلام

جِيت كِـــلِّي إحــتِرام ولِك عَـــنيت
رحــت عنِّــي ما بقى أي احــترام



مــدام ان ديــرتـي دار التميمـــي .....فنا ما ضنتـي يحجــب شـــعـاعــي
تـربينـا علـى حـــب الطــــــليـعـه ..... وندعس للوطـن روس الافـــــاعـي
نعيـش الــرفعته ونعيـش لاجلـــه .....وانمـــوت العـزتـه مـوت جمــــاعـي
قطـــر داري ودار ابـن الفجــــــاءة ..... بـلادٍ نبتهـا ســــيـف ويــــــراعـــي





& الودعاني عاشق الريان &

__DEFINE_LIKE_SHARE__