احكموا بيننا يالمكشاتيه رجال حجز موتري واخر شى ..

[محروم.كوم]

السلام عليكم ورحمه الله وبركاته


اليوم عرفت ان اي زبون يجي عن طريق النت مهوب شراي ولا هو صامل والدليل اللي صار اليوم


واحد الله يستر علينا وعليه نزل له موضوع قبل فتره يبي فيها سياره وكان مطلوبه عندي وارسل له رساله عن طريق الخاص واعلمه عن الموتر وجاز له .. قال احجز لي الموتر ولاتبيعه لاحد تراي شريته وعطيته النيه والله يا شباب ان جتني سومتين ازين من سومته عقب ماحجزه وقلت الموتر مبيوع ومعطيني رجال نيه وبيأخذه وبعد العيد وارسل له رساله بعد العيد على اتفاقنا اللي قبل وبكل بساطه قال انا هونت ومابي الموتر لاني شريت .. وانا متأكد انه مااشترى لاني نزلت في الموتر واجد وعطيته بسعر مايلقاله لا بالسوق ولا بغيره لكن تبين لي عنه غير جازم او ماعنده قروش فذلك حاول يطلع منها ..



طيب يوم كانه متردد او بيدور غيره ليه يحجز الموتر ويعلقني معه ..؟


واذا كان صغير ليه يستعجل وينزل موضوع مع ان ابوهوالا الوالده الله يحفظها له ماوافقوا يشتريون له سياره لاي سبب كان .؟



واعذوني لكن من القهر اللي صار نزلت هالموضوع واحكموا بيننا تكفون ويمكن تستفيدون من اللي صار وتتفادون مثل المشكله هذه ..



والسلام عليكم ورحمه الله وبركاته __DEFINE_LIKE_SHARE__