البنت ماهي لاتبرج والتعري والسفر ........ رووعه القصيده

[سمرة وكلي دلع]

السلام عليكم ورحمة الله وبركاته


قصيده بصراحه انا عن نفسي اعجبتني بالحييل وواعجبت ناس كثيرين

وان شاءالله بعد انتم تعجبكم

للشاعر : جديع الملعبي العازمي

لكم القصيده والتقيم

البنت ماهي لاتبرج والتعري والسفر

البنت للخلق الحسن للبيت للثوب الستير

البنت ماهي للتسكع وللملاهي والسهر

البنت للحشمه وللعفه وللقدر الكبير

لبنت ماتترك بيدين الشعوذه واهل السحر

البنت للعلم المشعشع من كتاب الله المنير

ماهي بعادات وسلوم ماتفيد ولا تضر

هذا كلام الله وحكم الله ولاغيره يصير

البنت دره صاغها الرحمن من أغلى الدرر

من لايجود درته يطمع بها حتى الكسير
ماهي طبوع الطيبين الباديه ولاالحضر

انك تودي عورتك لديار ماهي ديار خير


يابنت حوا اسمعي مني كلام مختصر

في مصلحتك ولا ابي منك قليل او كثير
انتي مثل دانه ثمينه غاليه وسط البحر

مايوصلك الا شجاع يغوص في البحر الغزير
انتي مثل مهره اصيله ماتطيع الا بأمر

خيالها الشهم الشجاع الفارس الحر الأمير

يابنت لايغرك كلام أهل الضلاله والفجر

ان التقدم يطلب ان تلبسي له لبس يثير
فاذا حضارتهم عرا حنا خضارتنا ستر

أصل الحضاره والثقافه غير والملبوس غير
يابنت من طبع الاصيل يبيع عمره لاانقهر

والي عربي الي عربي الي عربي لازم يغير
ومن لايعزونه هله لامايعزونه كفر

مسجد من الايمان يبني خير من مليون دير
واللي يقود الجيش يغزو كل يوم ولاانتصر

احسن له يريح جواده عن غثاه ويستخير

مادام دون الذود فرسانٍ تذود وتدهر

ماهو مثل غيره مسيب جعل جنايه ضرير
والذود دونه صيحة الفرسان والموت الحمر

ومن لايقود ايقاد والقايد له السيف الشطير
يا اللي فهمت اللي قصد السيل يعمر مادمر

والوقت هذا ماتغير لو تغير به كثير
خذ النصيحه من صغير السن يوم انه كبر

واللي جهل خله على فاله يصير اللي يصير
واعلم ان الوقت يمشي والبشر تخلف بشر

من وين ما تمشي تشوف وجيه تبحث عن مصير
هذي هي الدنيا شقا تطلع وجيه وتندثر

تضحك هنا تبكي هنا ديره تحط ابها وتسير

ماتعرفون القصة اللي بين موسى والخضر

ياقصة ياكثر مافيها من العلم الوفير
تعلموا وان عرفتوا قصدها حطوها خبر

مابين قوسين الحياه ..الدابه.. المنفا الأخير
لا ياابن آدم خاف يوم تضيع فيه اين المفر

به صاحب الاملاك والاماجد يبحث عن مجير
يوم يقوم الكافر ياليتني كنت حجر

حاول بان تنجوا بنفسك من عذابٍ زمهرير
وانا اليا صليت خمس فروض واوترت الوتر

والله مااغبط من ملك مليون او او من جا وزير
بسيط قانع وادري ان العمر تاليه قبر

واشهد بأن الله حق ومحمد المرسل نذير
ياوالي النعمه تديم الصحه وثوب الستر

وانك تثبتني على سنه محمد ياكبير __DEFINE_LIKE_SHARE__