كركركركر محشش يقول اووصة..

[أم عفراء]

	سلام عليكم ياشباب ويابنات مساء الخير /صباح الخير حسب التوقيت المحلي .. والله حصلتلي سالفه ذاك اليوم رحت احد المنتديات وانا متلطم ومحد يعرفني وأجي كذا واشوف ذاك الموضوع الزين الحلو قلت هذا مخطوف مخطوف مافيها كلام بس كيف يامقطع واقعد افكرمممممممممممممممم<<<متأثر مع m b c 2 قلت طيب بجيه في الليل واجيه ومع غفلة الاعضاء والمشرفين نتفت الموضوع مثل البرق الا اسمع صوت الدوريات قلت عز الله امسكت وانحاش منهم ذيك النحشه.. واجيبه لكم وان شاء الله يعجبكم ... محشش يقول قصه لاحد الرجال:: المحشش: كان ياماكان في قديــم الزمـــان كــان فيــــه اســــد كبييييييير مررررره وشـــرااااني كان يمشــي في الغـــابه ويأكـــل مــن حشـــــائش الارض المــــزهره ... رجل يستمع القصه : يالحبييييييب .. تــاكد هو اســد ولا حمـــــــار .... بعـــدين وش حشــائش مــزهره مسوي فيها مثقف . شف هي وحد من الثنتين .. يا انك خبل ولا انك خبل .. اختر انت عاد ..!! المحشش : المهم .. وبينما الاسد يمشي .. وقف عنــد سوبر ماركت .. وكان اللي يبيع فيها الفيل ابو زلومه .. فنظر اليه الاســد بكبرياء وقــال له: اعطني ميرندا ياهذا .............. فقال الفيل : اتريد ميرندا فراوله ام ميرند حمظيات ..... فتبسم الاسد وقال : لقد اضحكت بطني ياهذا .. الا تعلم ان الميرندا فراوله هي شراب الملوك والعضماء وان الغابه تزهر بالفراوله اللذيذه .. هيا اعطني ميرندا حمضيات فضحك الفيل ضحكة اهتزت لها جنبات المكــــان وذهب مهرولا لإحضـــار السفن اب ...... .. المهم اخــذ الأســد الببســـي وغــادر المكــان علــى عجـــل .. لكي يبحــث عــن فريســـه جميلة الوجـــه .. وممشــوقة القـــوام لهــا عينــان تســـر النـــاضرين .. الرجل : الرشف يالخبــل .. الخرابيــط الاوله بنمشيهـــا لك ... لكن بالنسبه للفريسه هــذي عااااد قويــه .. هو يبي الفريســه عشــان ياكلهـــا ولا عشـــان يكشــخ فيهـــا .. اقول .. خلك رجال احسن لك . المحشش : المهـــم .. ان الاســد لقــى ارنــب صغيـــر يتنطط في ارجــاء الغــابه .. ويمرح بين الحقول الرجل : حشـــا ... فار هذا مووو ارنب المحشش : فتقدم اليه الاســد بثقـــه كــأنه سفينـــه تختـــــال في رمـــال الصحـــراء الحـــارقه .... الرجل : اقوووول . تحمدوا الله على نعمــة العقـــل بس المحشش : فقــال الاســـد للارنب .. مارأيك ان اشــاركك اللعب ياصغيــري !!!.؟؟ فرد الارنب بدهــاء يفوووق الوصف ويدل على ذكاء الارنب:تريد ان تلعب معي .. عاااادي لي الشرف العظيم الرجل: اي والله ذكاء .. لكن وش نقوول .. انت شف من يتكلم واعرف ان الموضوع كله عفسه المحشش : فقال الاسد والشرر يتطاير من عينيه .. مارأيك ياصغيري ان نلعب عروســه وعريــس ... وآخــذ انا دور العسكــري وانت تأخذ دور الحرامـــي الرجل : لا والله الغابه الزينـــه .. اذا كان هــذا ملكهــــا .. اجل الباقين وش بيصيرون المحشش : المهم .. طلب الاســد من الارنب الصغير ان يختبئ في مكــان . لكي يبحث الاسد عنــــه . وكان الاسد مبيت النيه على التهــام الارنب ... المهم .. ذهب الارنب وتخفــى وراء احدى السيــارات ... الرجل : الله يغربلك.. وش هالغابــه .. لكن الشرهه ميب عليك الشرهه على اللي جالس يقراك اللين اللحين المحشش : وكان الاسد مغمض عين ومفتح عين .. عشان يشوف وين سوف يختفي هذا الارنب اللعين ... وعندما بدأت اللعبــه اخذ الاسد يمشي وكانه يبحث عن الارنب المكار .. وهو يعرف مكانه .. وجاء الاســـد من خلــف الارنب لكي يلتهمه على عجــل دون ان يلحظ الارنب ذلك ... .. وعند هذه اللحظــه .. قفــز الارنب المكـــار قفزه مدويه .. وباغـــت الاســد بهجـــوم مضــاد ليس له مثيــل .. ولطم الاسد على وجنته .. فأخــذ الاســد يهرب مهرولا .. والارنب كافخ وراءه .. والاسد يهرول.. وكأن على رأسه الطير.. والارنب .. وراه ماسح طبلونه ... ووثب الارنب على الاســـد من الخلف .. حتى ارداه ارضا ..... وعندها التهم الارنب الاســد .. وخلــص الغـــابه من شروره .. وعاشت الحيوانات .. في فرح وسرور .. الرجل : أنا الغلطان اللي اسمع لك تصدقون احس المحشش ذا يروي قصته وهو منسدح ويشرب بايسن ارجو ان القصه تعجبكم

__DEFINE_LIKE_SHARE__