كم قالها ( الجسمي ) وكنه قصد فيك..

[بوالجازي]

هذي مجموعة من المسجات أتمنى انها تعجبكم ..


اشتقت لك يا صاحبي وين ألاقيك؟!
محتاج لك بالحيل ودي أشوفك..
اشتقت أسولف معك وأسمع حكاويك..
واللمة الحلوة وباقي مزوحك..
يا صاحبي من كثر ما أنا أغليك..
صرت أتحلم فيك وأصحى و أشوفك..

**********

انت العمر لا جيت والموت لا رحت..
وانت الضياء للعين يا نور عيني..
اشتاق لك يمي واشتاق لا غبت..
واشتاق لا ضمت يمينك يميني..
انت القمر جالس والشمس لا قمت..
انت الشفا من كل همٍ يجيني..

**********

لبيه ياللي لا غشى القلب طاريك..
يقذي عيوني عن حلا النوم قاذي..

أهواك وأحبك وأقدرك وأغليك..
وأشوف في روضة غرامك ملاذي..
لا ياسواة الروح ماني بناسيك..
ولا لك مع درب المحبة محاذي..
تدري وش اللي في حياتي يساويك..
عيوني الثنتين هاذي وهاذي..

**********

مادريت ان الفراق اكبر خطية..
واللقا يقضي على كل الخطايا..
في حضورك عيني بشوفك ثرية..
وفي غيابك ما بقى فيني بقايا..
صاحبي وان شفت طيبك لي هدية..
شو شعورك دام كلي لك هدايا..

**********

محلا الرسالة منك لا جت على شوق..
تهزني هز الهبايب للأوراق..
تطفي لهيب اللي من البعد محروق..
تروي عطش قلبٍ على الوصل مشتاق..
لا جت من الغالي < لها ميزة وذوق >..
مكتوبةٍ بإخلاص من جوف الأعماق..

**********

في خاطري لك شي ودي أقوله..
مدري تصدقني أو تقول كذاب..
قلبي يحسك دايم الدوم حوله..
مع كل دقة يذكرك ياأغلى الأحباب..
تدري عليك الروح بالحيل توله..
وتدري بعد طيفك عن العين ما غاب..

**********

أنا جريح الزمن وذنبي أحبك..
من جزا حبك في سجن الغدر رموني..
لما إحكموني براءة قلت أحبك..
وازعلوا مني وبالمؤبد رجعوني..
سنين وقالوا قام اليوم حظك..
وبين < كرهك والبراءة > و < حبك والاعدام > خيروني..
قلت لو تشرحوني ..أحبه .. يعني أحبه..
قلتها وللحبل قاموا يسحبوني..
قبل شنقي صرخت < والله أحبه >..
والمافجأة قالوا هذا محنون واتركوني؟!!

**********

يقول وشلون كيف الحال والصحة..
وأقول عادي وأنا أقسم ماني بعادي..
روحي من الشوق والحرمان منذبحة..
ولا المعاليق تصلى جمرة الهادي..
اشتاق له والليالي دونه مشحه..
ابي اتصبر وطول الصبر ما فادي..
اشتقت له يافديت الصوت والبحة..
يسري بسمعي ويسترسل به فؤادي..
وأطير في عالم الأحلام والفرحة..
وأجيه وانسى حروف اسمي وميلادي..

**********

لو الغلا والحب يوزن بميزان..
ماظن يوزن بالموازين حبي..
وإن كان فيه إنسان يموت بإنسان..
أنا جريح الحب من فضل ربي..
وان كان غيري يرسم أشكال وألوان..
أنا رسمتك في شرايين قلبي..

**********

ان قلت لك اني بهاجر وأخليك..
وأترك الدنيا وأرحل بدونك..
وان قلت لك اني مع الوقت ناسيك..
وقلبي غدا بالوقت الأقشر يخونك..
أكون أنا كذاب من غير تشكيك..
وشلون أبنسى بسمتك مع عيونك..
لك موقع محفوظ في قلب مغليك..
أقرب من اهدابك لناعس جفونك..
وعند النهاية بيت واحد يكفيك..
خله في بالك لا تشط بظنونك..
كم قالها ( الجسمي ) وكنه قصد فيك..
والله ما يسوى أعيش الدنيا دونك..

__DEFINE_LIKE_SHARE__