اليوم والمنبـر

[راعي النيسان 97]

اليوم والمنبـر مراكـب شعـر فبحـور الخليـل
والريح هبت والبيـارق جالهـا صـوت احتفـال
ما جا على بالي كلام و شـي مـن هـذا القبيـل
الا تذكرت ان بعض الشعر ضرب مـن الخيـال
جتني كذا ماخترت ابكتبهـا علـى بحـرٍ طويـل
احياناً الشاعـر قبـل يختـار يدخـل فإحتمـال
بين الحنايا احس رمي وهج نـوق ودبـك خيـل
كنك تشوف اقواسهـا مسـرح وساحـه للنـزال
مثل الشجاع اليا اوقضه من غفوته صوت الدخيـل
انا اعتبر شعري شجاع ورجل من روس الرجـال
وان مات في سمع الغواهي موتبي مـوت النخيـل
واليا حيا كنه علم مـن نـار فـي روس الجبـال
اليـوم واقـع ساحـه الشعـار فالواقـع جميـل
يامـن تحبـون الجمـال وتستشفـون الجـمـال
قصيدتي عذرا تهز الصمـت بالخصـر النحيـل
امن الوله كحلتهـا حبـري ومـرت مـن خـلال
صدري .. وانا مانيب لا جتني بعد غيبـه بخيـل
افتح لها قلبي من اوسع بـاب لـدروب الوصـال
يا حضره الجمهور ليـه لفكارنـا عابـر سبيـل
والصدق في كل المواقف تـاج راس وراس مـال
وانا علي اذكر محبـه موطنـي مـع كـل جيـل
في كل موقف موطنـي غالـي علـي ولا يـزال
لـي ديـرةٍ فيهـا يقـام الحـق حـقٍ مايمـيـل
المستقيمـه يمهـا كـل ماستقـام القلـب مــال
عندي كـأن ترابهـا مـن زعفـران وزنجبيـل
لو انها في نظرة الناظر صحـاري مـن رمـال
داري مرابط خيل وسيـوفٍ رهيفـات وصهيـل
داري سـعـوديـه خليـجـيـه ولله الـكـمـال
صبو لهـا دمـي وكفـي دون غاليهـا صقيـل
صدري لها درعٍ حصيـنٍ مـا يهـد ولا يـزال
راسٍ مايعشق موطنـه لـو ارتفـع يبقـى ذليـل

وقلوب ما تنبض بحب أوطانهـا فيهـا اعتـلال
انا يانجم الجدي ماني فـي نظـر عينـك سهيـل
اخترت اكون لك السما لا غابـت نجـوم الليـال
من يوقض الحكمه بسمع الناس قل صبـرٍ جميـل
على سبيل امثال تظهر حكمـه ويضـرب مثـال
لا صرت تجني من حديثـك لا تحدثـت القليـل
الصمت في حضره جمال الحرف هو معنى الجمال __DEFINE_LIKE_SHARE__