فائدة للجميع

[محروم.كوم]

السلام عليكم ورحمة الله وبركاته
من باب حب لأخيك ماتحب لنفسك
والواحد على كثر حرصه إلا أنه يقع في المشاكل
عندي سيارتي يوكن اكس ال موديل 2010 على أيدي من الوكالة ومحافظ عليها من ناحية الصيانة
ندخل في الموضوع
وديتها الوكالة علشان تبديل زيت وقالي الميكانيكي عندك تهريب في قازقيت الكارتير للماكينة والصراحة تهريب بسيط يعني ترشيح قلت خلاص سووه قالي لما نفك لازم نبدل ربلة طرمبة الزيت بالمرة قلت توكل على الله واشتغلوا ولما استلمت السيارة لاحظت ضغط الزيت نازل تحت الربع استغربت وجاء فورمن الكراج وقالي عندك مشكلة في طرمبة الزيت خربانة أو الماكينة عندك الكام واللوكرات بداية تبويش أنا انجنيت قلت أنا جايب السيارة مافيها شي وأنتم خربتوها

قلت يمكن من الربل حق الطرمبة قالي خلاص نفتح ونشوف وفتحوا وشريت ربلة ثانية وركبوا وشغل السيارة ونفس الشي
قالي حط ستوب مع الزيت وأنا ما اقتنعت من كلامة
طلعت من عندهم ورحت البيت واتصلت على واحد ميكانيكي وعلمته بالسالفة قالي هذا ماهو ميكانيكي هذا زبال قالي عندك شغلتين يا من ربل الطرمبة أو بلف في الكارتير خله ينظفه
رحت ثاني يوم للوكالة وهم يبون فرقاي قلت لهم نظفتوا بلف اللي في الكارتير قالي هذا ماله شغل وقاموا يضحكون قلت لهم بطلوا وأنا ببدلة على حسابي بطلوا وشريت جديد وركبوه وكانت النتيجة رجع ضغط الزيت على النص
بقى يخرب على الماكينة
وسلامتكم __DEFINE_LIKE_SHARE__