موسم الخباط في الشرقيه 1

[محروم.كوم]

موسم الخباط لايخفى عليكم ابتدا... كم مره تطلع في هذي الايام وخصوصا وقت مايكون البحر خواهر ( هادئ الموج)
وتشوف مثل هذا المنظر ...اللي يرد الروح...




طبعا هالمنظر مايعني بالتحديد وجود الخباط
ولكن وجوده محتمل والاحتمال الثاني راح يكون للقباب (التونه)...


والله خلق وفرق...سبحانه

على العموم يستخدم الريش لصيد الخباط

-ونحتاج لخيط سوبر سوفت من 80 الى 90

-ريش
-بلد (ثقل) ومدور
الافضل استعمال بلد 4 او 5
-والبديل استخدام بورد اللفاح...قطعه بلاستيكيه تستخدم لإنزال الطعم لاعماق مختلفه ...حسب حجم القطعه وسماكة الخيط.
-قفشة لفاح
-قطع خيوط من النوع القوي وهذا راح يكون خيط الرداع على عدد الميادير
ويفضل من 8 الى 10:



طريقة ترديع الريش :






الطريقه:
نربط القفشه في اخر الخيط الرئيسي
نربط قطع الخيوط بالخيط الرئيسي بحيث يكون بين كل خبط وخيط من مترين الى ثلاثة امتار
ونردع الميادير ( الريش ) مع قطع الخيوط باتجاه البكره ...
وبعد اخر ميدار بمسافة اربع امتار يتم وضع المدور ثم البلد.مثل ماهو واضح :





وطريقة اللفاح انك اذا شفت "مخابط" الخباط تنزل الخيط وتخليه يروح مسافه لاتقل عن 50- 60 متر او اكثر يعتمد على سرعة المناوره بالطراد وكذلك شدة الموج
بعدها تلف بحول راس الخبابيط بخيت يمر الخيط بمنتصف المكان اللي فيه الخباط وتكرر العمليه لين الله يوفقك..

وانشاء الله يكون هذا صيدكم :good2:



بارك الله فيكم ...!

__DEFINE_LIKE_SHARE__