وش اول موتر شريته يا مكشاتي

[محروم.كوم]

السلام عليكم ورحمة الله وبركاتة

ودي كل عضو يدخل يقول لنا وش اول موتر شراه

انا عن نفسي شريت مازدا 929 موديل 82

مدري وشلون كان الموتر محسوب على المواتر لا اصطبات ولا مكيف ولا داخليه ولا فيه شي صاحي ابد كلش خربان
لا من محركات ولا غيرها

طبعا الكلام هذا عام 1993

شريته ب 4000 ريال وطبعا بدون علم الشايب الله يرحمه ويغفر له.

المراد شريته ب 4000 وصلحته ب 2400

ورجعت بعته بعد 4 ايام ب 2900 على نفس الشريطي

حسبي الله عليه غشني وانا ما افهم بالمواتر عليمي

طبعا هذا الموتر محسوب علي واذا دارت السوالف مع اخواني عن المواتر قالوا
لو انك تفهم شي بالمواتر كان ما بديت حياتك بمازدا أم الزيت وصارت ممسك علي

ودنا نشوف مشاركات الاعضاء

بارك الله فيكم

__DEFINE_LIKE_SHARE__