[حل] مشكلتي لحرارة الفتك عند الوقوف .....

[محروم.كوم]

السلام عليكم ورحمة الله وبركاتة


عندي مشكلة بحرارة الفتك 2007 عند الوقوف فقط وبالمشي الحرارة طبيعية

معلومة بسيطة الحرارة بالوقوف فقط غالبا تكون قل تهوية

قبل فترة كانت كانت ترتفع حرار الفتك خاصة بالزحمه او بعد خط طويل وعند الوقوف ترتفع الى الثلث وتوصل للنص وبأرتفاع مستمر واذا حركت بالموتر ترجع الحرارة طبيعية

مافي ميكانيك او كهرباء إلا ويتفلسف (راس ماكينة - قازقيت راس و و و و و و....)

بدلت جميع - الاهواز (ليات) - الثرموستات (البلف) - راديتر - طرمبة الماء - المراوح الامامية امام الراديتر


والحرارة نفس ماهي ترتفع بالزحمه او الوقوف خلال 3 الى 5 دقايق توصل للنص .

رحت لمكانيكي شاطر وقلت له مشكلة الحرارة فحص المراواح الامامة وقلت له المراوح جديدة قالي المشكلة بدقمة الحساس او السينسر عطلانة !

المراوح لها سرعتين السرعة الاولى مع تشغيل المكيف والسرعة الثانية عند ارتفاع الحرارة فوق الربع

او الثلث تشتغل السرعة الثانية وهذي مشكلتك لان موترك تشتغل السرعة الاولى فقط.

بدلت الحساس او السينسر للمراوح ولله الحمد انحلت مشكله المراوح والحرارة طبيعية ربع بالزحمة وعند الوقوف .

نصيحه افحص عند شخص فاهم قبل المخاسير .

__DEFINE_LIKE_SHARE__