سالفة حقيقية

[محروم.كوم]

سالفة حقيقية لاتطوفكم

السلام عليكم ورحمه الله وبركاته ؛ عندي لكم سالفة مخيفة الله يحمينا حدثت لاحد المعارف ولازال يعاني منها اليكم السالفة ؛ عام 1431 واحد من المعارف مسافر من الدمام الى حفر الباطن ( ديرتي ) كان يعمل عسكري بالدفاع الجوي عندنا بالقاعدة العسكرية مسافر بالليل وبعد ماتعدى النعيرية ب20 كيلو تقريبا لقى شخص يأشر على الطريق وقف له وين يالاخو قال الحفر قال اركب ركب الشخص هذا معه يقول ساكت مايتكلم يقول بعد ماقطعت من الطريق مسافة الا اشوف وراي ثلاث ثلاث سيارات كابسة العالي يقول واللي معي يوم شاف السيارات قالي ادعس ادعس والرجال ماشاءالله معه كابرس 2007 يقول وادعس للكابرس يقول ادعس ولا كاني ادعس يقول وقربو مني وبقدرة قادر شاء الله ان ينقلب على سرعة فوق 200 ويحذف فيه الموتر بعيد عن الخط يقول وبعد ما انقلب الله فكه والموتر راح فيها يقول ادور اللي معي مدري وينه هو طاح من السيارة مات ما ادري وينه ويقول ركضت للطريق ابي احد يوقف لي ومن حسن حظه امن الطرق جاء يقول علمتهم السالفة قالو اركب نوديك للنقطة نشوف لك احد يوديك للحفر والموتر الصباح ناخذه بسطحة يقول قلت تم وراحو للنقطة وقفو راعي كامري وقالة العسكري السالفة قال خله يجي يقول ركبت معه والرجال متلطم وساكت وعند القيصومة يعني بعد مسافة من الطريق يقول فك اللطمة الا هو اللي كان معي يقول طلع جني يقول ابي افك الباب ابي انحاش الرجال مسرع يقول خفت يقول دخلنا حفر الباطن وراحو لبيت مهجور يقول وقف عند البيت المهجور يقول وافتح الباب واهج ودخلت البيت المهجور ويقول مادريت ووطيت على قبر وبعدها تلبسه الجن وحالته النفسية سيئة ويكلم نفسه حتى الدوام مايداوم الضباط عارفين حالته ومقدرين ظروفه وسلامتكم يالربع ولاتحرمونا من الردود ,, حفراوي 3

__DEFINE_LIKE_SHARE__